ଗଞ୍ଜାମ : ଗଞ୍ଜାମ ବ୍ଲକ ଅନ୍ତର୍ଗତ ଶତ୍ରୁଶୋଲ ଗ୍ରାମ ନିକଟରେ ଥିବା ଧାନ ଚାଷ ଜମିରେ ଛିଣ୍ଡି ପଡ଼ିଲା ୧୧ କେଭିର ବିଦ୍ୟୁତ ତାର।ଫଳରେ ଚାଷ ଜମିରେ କାମ କରୁଥିବା ଜମି ମାଲିକଙ୍କ ସମେତ ୨୦ ଜଣ ମୂଲିଆ ଧାନ ରୋଆଳିଙ୍କ ଅଳ୍ପକେ ଜୀବନ ବର୍ତ୍ତି ଯାଇଛି। ଏହାକୁ ନେଇ ସାଧାରଣରେ ଘୋର ଉଦବେଗ ପ୍ରକଶ ପାଇଛି। ମୁଖ୍ୟତଃ ଭାବେ ବିଭାଗୀୟ ଅଧିକାରୀ ଅବହେଳା ଯୋଗୁଁ ଏଭଳି ଦୁର୍ଘଟଣା ହେଉଛି ବୋଲି ବୁଦ୍ଧିଜୀବୀ ମହଲରେ ଆଲୋଚନା ହେଉଛି।
ସୂଚନା ଯୋଗ୍ୟ ଯେ ଶନିବାର ଦିନ ଦୁଇ ଘଣ୍ଟା ସମୟରେ ଶତ୍ରୁଶୋଲ ଗ୍ରାମର ଧାନ ଚାଷ ଜମି ମାଲିକ ଦିଲ୍ଲୀପ ପଲେଇ ସମେତ ୨୦ଜଣ ଧାନ ରୋଆଳି କାମ କରୁଥିବା ସମୟରେ ଚାଷ ଜମି ଉପର ଦେଇ ୧୧ କେଭିର ବିଦ୍ୟୁତ ଯୋଗାଣ ତାର ହଠାତ ଚାଷ ଜମି ଉପରରେ ଖସି ପଡ଼ିଥିଲା। ଦିଲ୍ଲୀପଙ୍କ ସମେତ ଶ୍ରମିକମାନେ ଚାଷ ଜମିରୁ ବାହାରି ନିଜ ଜୀବନ ବଞ୍ଚାଇଥିଲେ। ବିଦ୍ୟୁତ ଖୁଣ୍ଟ ଦୁର୍ବଳ ଯୋଗୁଁ କିଛି ଦିନ ହେବ ତାର ଗୁଡ଼ିକ ଝୁଲନ୍ତା ଅବସ୍ଥାରେ ରହିଥିଲା। ବିଦ୍ୟୁତ ଖୁଣ୍ଟ ଓ ୧୧ କେଭିର ତାର ଯୋଗାଣ ଚାଷ ଜମି ଉପର ଦେଇ ଯାଇଥିବା ବେଳେ ତାହାର ଗତିବିଧି ଉପରେ ନଜର ରଖୁନଥିବା ସ୍ଥାନୀୟ ବିଦ୍ୟୁତ ବିଭାଗର ଅବହେଳାକୁ ନେଇ ପ୍ରଶ୍ନ ଉଠିଛି। ଉଚ୍ଚ କର୍ତ୍ତୃପକ୍ଷ ଏଥି ପ୍ରତି ଦୃଷ୍ଟି କରିବା ସହ ଏହାର ମରାମତି ପାଇଁ ଯଥା ଶୀଘ୍ର ଉଦ୍ୟମ ପାଇଁ ଦାବି ହେଉଛି।
Comments are closed.