ଭୁବନେଶ୍ବର: ଗଞ୍ଜାମ ଜିଲ୍ଲାରେ କରୋନା ଆକ୍ରାନ୍ତ ଗୁରୁତର ରୋଗୀଙ୍କୁ ପ୍ଲାଜ୍ମା ଦାନ ପାଇଁ କୋଭିଡ୍ ଆରୋଗ୍ୟ ନିଆରା ଉଦ୍ୟମ କରିଛନ୍ତି। କରୋନ ଆକ୍ରାନ୍ତ ପରେ ଆରୋଗ୍ୟ ଲାଭ କରିଥିବା କିଛି ବ୍ୟକ୍ତି ପ୍ଲାଜ୍ମା ଦାନ କରିବାକୁ ଆଗ୍ରହ ପ୍ରକାଶ କରିଛନ୍ତି। ସେମାନେ ‘କୋଭିଡ୍ ବନ୍ଧୁ’ ଭାବେ ନାମ ପଞ୍ଜୀକରଣ କରିଛନ୍ତି। ନାମ ପଞ୍ଜୀକରଣ କରିଥିବା ୨୮୩ ଜଣ ବ୍ୟକ୍ତି ନିଜକୁ ‘କୋଭିଡ୍ ବନ୍ଧୁ’ ଭାବେ ପରିଚୟ ଦେଇଛନ୍ତି ଓ ସକ୍ରିୟ କୋଭିଡ୍ ରୋଗୀଙ୍କୁ ସହାୟତା କରିବାକୁ ଆଗେଇ ଆସିଛନ୍ତି । ସେହିଭଳି ଆଉ ୨୦୫ ଜଣ ପ୍ଲାଜ୍ମା ଦାନ କରିବା ନିମନ୍ତେ ସହମତି ପ୍ରଦାନ କରି ନାମ ପଞ୍ଜୀକରଣ କରିଛନ୍ତି। ସେମାନଙ୍କ ଏହି ଉଦ୍ୟମକୁ ମାନ୍ୟବର ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଉଚ୍ଚପ୍ରଶଂସା କରିଛନ୍ତି। ସେମାନଙ୍କର ଏହି ମହତ୍ତ୍ୱପୂର୍ଣ୍ଣ କାର୍ଯ୍ୟ କୋଭିଡ୍ ସହ ସଂଗ୍ରାମ କରୁଥିବା ଅନ୍ୟ ରୋଗୀମାନଙ୍କ ସୁସ୍ଥ ହେବା ପ୍ରକ୍ରିୟାକୁ ତ୍ୱରାନ୍ୱିତ କରିବ ବୋଲି ମୁଖ୍ୟମନ୍ତ୍ରୀ କହିଛନ୍ତି ।
ଗଞ୍ଜାମ ଜିଲା ଆରୋଗ୍ୟଙ୍କ ନିଆରା ଉଦ୍ୟମ: ପ୍ଲାଜ୍ମା ଦାନ ପାଇଁ ପାଲଟିଲେ ‘କୋଭିଡ୍ ବନ୍ଧୁ’, ମୁଖ୍ୟମନ୍ତ୍ରୀଙ୍କ ପ୍ରଶଂସା
Popular Categories
Previous article
Next article