ଗଞ୍ଜାମ: ଗଞ୍ଜାମ ବିଜ୍ଞାପିତ ଅଞ୍ଚଳ ପରିଷଦ ଅନ୍ତର୍ଗତ ପୁଇଁତଳା ଗ୍ରାମର ଦୁଇଟି ୱାର୍ଡରେ ବର୍ଷା ଜଳ ନିଷ୍କାସନ ପାଇଁ ଗତ କିଛି ବର୍ଷ ହେଲା ସମସ୍ୟା ସୃଷ୍ଟି ହେଉଥିଲା । ଗତକାଲି (ମଙ୍ଗଳବାର) ଦିନ ଜଳ ନିଷ୍କାସନ ପାଇଁ ଏକ ନାଳ ଖୋଳାଯାଇଛି । ଫଳରେ ଦୀର୍ଘ ଦିନ ହେଲା ଲାଗିରହିଥିବା ସମସ୍ୟା ଦୂର ହେବ ବୋଲି ଆଲୋଚନା ହେଉଛି । ସୂଚନା ଯୋଗ୍ୟ ଯେ ଜାତୀୟ ରାଜପଥ ସଂପ୍ରସାରଣ ହେବା ପରେ କଲଭର୍ଟ ଲାଗି ରହିଥିବା ଦୁଇଟି ପୋଖରୀକୁ ପୋତିଦିଆ ଯାଇଥିଲା ।
ଫଳରେ ସେହି ରାସ୍ତାରେ ଆଉ ବର୍ଷା ପାଣି ବାହାରକୁ ନିଷ୍କାସନ ହେଉନଥିଲା । ଏହି ନାଳ ଖୋଲିବା ପାଇଁ ସ୍ଥାନୀୟ ଲୋକମାନେ ବିଭିନ୍ନ ସମୟରେ ଦାବି କରିଆସୁଥିଲେ । ବର୍ତ୍ତମାନ କିଛି ଉତ୍ସାହୀ ଯୁବକଙ୍କ ଉଦ୍ୟମରେ ଏହି ନାଳ ଖୋଳାଯାଇଛି । ନାଳ ଖୋଳା ସମୟରେ ଗଞ୍ଜାମ ଏନଏସି ଅଧ୍ୟକ୍ଷା ପ୍ରତିଭା ପାଢ଼ୀଙ୍କ ପ୍ରତିନିଧି ବିନୋଦ କୁମାର ପାଢ଼ୀ, ବିଶ୍ଵନାଥ ବିଶ୍ୱାଳ, ପ୍ରତାପ ବିଶ୍ୱାଳ, ଭଗବାନ ପ୍ରଧାନ, ପ୍ରକାଶ ରାଉଳ, ସୁଶାନ୍ତ ତାରାଇ, ମହେନ୍ଦ୍ର ସ୍ୱାଇଁ ପ୍ରମୁଖ ଉପସ୍ଥିତ ରହିଥିଲେ ।
