ସୁଆଣ୍ଡୋ : ଆଉ ମାତ୍ର କେତେଟା ଦିନ ପରେ ଗଣେଶ ପୂଜା । ବିଦ୍ୟାଳୟ, ମହାବିଦ୍ୟାଳୟଠାରୁ ଆରମ୍ଭ କରି ଯୁବକସଂଘ, କ୍ଲବ, ସାହିଛକ, ବଜାର, ଗଳିକନ୍ଦି ତଥା ଘରେ ଘରେ ଗଣେଶ ପୂଜା କରାଯିବ । ଏହାକୁ ନଜରରେ ରଖି ମୂର୍ତ୍ତି କାରିଗରମାନେ ଚାରିମାସ ଆଗରୁ ପ୍ରସ୍ତୁତ ହୋଇ କାମ ଆରମ୍ଭ କରିଥିଲେ । ଦୁଇ ବର୍ଷ ହେଲା କରୋନା ସଂକ୍ରମଣକୁ ଦୃଷ୍ଟିରେ ରଖି ସରକାରଙ୍କ ପକ୍ଷରୁ କରୋନା କଟକଣା ଯୋଗୁ ମୂର୍ତ୍ତି କାରିଗରମାନଙ୍କ ଜୀବୀକା ଉଜୁଡି ଗଲାଣି । ସତ୍ୟବାଦୀ ଥାନା ଅନ୍ତର୍ଗତ ଭୀମଦାସପୁର, ସାରଙ୍ଗଯୋଡି, ଦାସପାଟଣା, ରଘୁରାଜପୁର ଆଦି ଗ୍ରାମର ମୂର୍ତ୍ତି କାରିଗରମାନେ ସରସ୍ବତୀ, ଖୁଦୁରୁକୁଣି, ବୁଧେଇଓଷା, ଗଣେଶ ପୂଜା, ବିଶ୍ବକର୍ମାଙ୍କ ପାଇଁ ମୂର୍ତ୍ତି ତିଆରି କରି ଗରାଖଙ୍କୁ ବିକ୍ରି କରି ନିଜର ଗୁଜୁରାଣ ମେଣ୍ଟାଇ ଆସୁଥିଲେ । ଗଣେଶପୂଜା ପାଖେଇ ଆସିଲାଣି । କାରିଗର ମୂର୍ତ୍ତିଗୁଡିକରେ ରଙ୍ଗ କାମ ସାରି ହାତବାନ୍ଧି ବସିଛନ୍ତି । ଯେଉଁଠି ଗଣେଶଙ୍କ ମୂର୍ତ୍ତି ବସାଯାଇ ଜାକଜମକରେ ପୂଜା ହେଉଥିଲା ସେ ସବୁ ସ୍ଥାନରେ ଫଟୋ ବା ଛୋଟିଆ ମୂର୍ତ୍ତିଟିଏ କିଣିନେଇ ଲୋକମାନେ ବିଧିରକ୍ଷା ପୂର୍ବକ ପୂଜା କରୁଥିବା ଜଣାପଡ଼ିଛି। ଗରାଖଙ୍କୁ ଚାତକ ଭଳି ଚାହିଁ ରହିଥିବା ସାଧୁଚରଣ ମୁଦୁଲି, ଇଶ୍ୱର ମହାରଣା ପ୍ରମୁଖ କାରିଗର ଦୁଃଖର ସହ କହନ୍ତି ଆମ ବେଉସା କରୋନା ଉଜାଡି ଦେଲା ।
Popular Categories
Previous article
Next article