ଜି ଉଦୟଗିରି : ଟିକାବାଲି ବ୍ଲକ ଅନ୍ତର୍ଗତ ବଡିମୁଣ୍ଡା ପଞ୍ଚାୟତ ସ୍ଥିତ ରାଜୀବଗାନ୍ଧୀ ସେବା କେନ୍ଦ୍ର ପରିସରରେ କୃଷି କାର୍ଯ୍ୟାଳୟ ସହାୟତା ତଥା ଅଗ୍ରଣୀ ସ୍ବେଚ୍ଛାସେବୀ ଅନୁଷ୍ଠାନ ସ୍ଵାତୀ ସହଯୋଗରେ ସଂଯୋଜିକା ସୁସ୍ମିତା ଜେନାଙ୍କ ଅଧ୍ୟକ୍ଷତାରେ ପଞ୍ଚାୟତ ସ୍ତରରେ ବହୁଳ ଉତ୍ପାଦନ ସଚେତନତା କର୍ମଶାଳା ଅନୁଷ୍ଠିତ ହୋଇଛି। ଏଥିରେ ମୁଖ୍ୟ ଅତିଥି ଭାବେ ପଞ୍ଚାୟତ ସମିତି ଅଧ୍ୟକ୍ଷ ଦିଲୀପ କୁମାର କହର, ସରପଞ୍ଚ ବଡି ମୁଣ୍ଡ। ବଦନ କୁମାର ପ୍ରଧାନ, ସରପଞ୍ଚ ଗାଡ଼ିଙ୍ଗିଆ ଜୀତେନ୍ଦ୍ର ମଲିକ, ସରପଞ୍ଚ ପାଦାଙ୍ଗୀ ସୁଭଲକ୍ଷ୍ମି ପ୍ରଧାନ, ସହକାରୀ ଉଦ୍ୟାନ ଅଧିକାରୀ ରାଜେଶ ବିଶ୍ଵାଳ, ସହକାରୀ କୃଷୀ ଅଧିକାରିଣୀ ସୁଭସ୍ମିତା ସାହୁ, ସାମ୍ୱାଦିକ ରାମକୃଷ୍ଣ ଚୌଧୁରୀ ଯୋଗ ଦେଇ ମାଣ୍ଡିଆ ଚାଷ କଲେ ପ୍ରୋତ୍ସାହନ ରାଶି ପ୍ରଦାନ, ମାଣ୍ଡିଆର ଉପକାରିତା, ମାଣ୍ଡିଆକୁ ବ୍ୟବହାର କଲେ ନିରୋଗ ରହିବା , ବର୍ତ୍ତମାନ ମାଣ୍ଡିଆ ଚାଷକୁ ସାରା ବିଶ୍ଵରେ ଏହାର ବୃଦ୍ଧି ପାଇଁ କେନ୍ଦ୍ର ଓ ରାଜ୍ୟ ସରକାରଙ୍କ ସିଧସଳଖ ସହାୟତା ଉପରେ ଗୁରୁତ୍ୱାରୋପ କରିଥିଲେ। ପରେ ସଫଳ ଚାଷୀଙ୍କୁ ମାନପତ୍ର ପ୍ରଦାନ ସହ ପ୍ରୋତ୍ସାହନ ରାଶି ପ୍ରଦାନ କରାଯାଇଥିଲା। କାର୍ଯ୍ୟକ୍ରମକୁ ସ୍ଵାତୀର କର୍ମୀ ଗିରିଶ ଚନ୍ଦ୍ର ସାମଲ ପରିଚାଳନା କରିଥିବା ବେଳେ ଅନ୍ୟାନ୍ୟ କର୍ମୀ ସହଯୋଗ କରିଥିଲେ। ପୁର୍ବରୁ ରାଧାମାଧବ ପଣ୍ଡା ଓ କୁସ ସାନସେଟଙ୍କ ଦ୍ବାରା ଭିଡ଼ିଓ ମାଧ୍ୟମରେ ପ୍ରଦର୍ଶନୀ କରି ଚାଷୀଙ୍କୁ ଅଧିକ ଅମଳ ଉପରେ ସଚେତନତା କରିଥଲେ।
Popular Categories
Previous article
Next article