ନୂଆଦିଲ୍ଲୀ: ମହାରାଷ୍ଟ୍ର ପାଲଘର ଅଞ୍ଚଳରେ ଲୋମହର୍ଷଣକାରୀ ଘଟଣା ଦେଖିବାକୁ ମିଳିଛି । ଦୁଇ ଜଣ ଯୁବକ ହଠାତ୍ ୧୨୦ଫୁଟ୍ ଉଚ୍ଚରୁ ଜଳପ୍ରପାତକୁ ଡେଇଁ ପଡିଛନ୍ତି। ଯାହାର ଭିଡିଓ ବର୍ତ୍ତମାନ ଭାଇରାଲ ହେବାରେ ଲାଗିଛି। ଜହ୍ବାର ଅଞ୍ଚଳର ୩ଜଣ ଯୁବକ ଦାଭୋସା ହ୍ରଦକୁ ପିକନିକ କରିବାକୁ ଆସିଥିଲେ। ଯୁବକମାନେ ଗାଧୋଇବାକୁ ଯିବା ବେଳେ ଦୁଇ ଜଣ ଯୁବକ ପାହାଡର ଶିଖରକୁ ଚଢି ହଠାତ୍ ଜଳପ୍ରପାତକୁ ଡେଇଁପଡିଥିଲେ। ଅନ୍ୟ ଜଣେ ଯୁବକ ସେମାନଙ୍କର ଭିଡିଓ କରୁଥିଲେ। କିନ୍ତୁ ପ୍ରାୟ୧୨୦ ଫୁଟ ଉଚ୍ଚରୁ ଡେଇଁବା ପରେ ଯୁବକମାନଙ୍କ ମୁଣ୍ଡ ପଥରରେ ବାଜିଥିଲା। ଘଟଣାସ୍ଥଳରେ ମାଜ ଶେଖ ନାମକ ଜଣେ ଯୁବକଙ୍କ ମୃତ୍ୟୁ ଘଟିଥିବାବେଳେ ଜୋଏବର ଅବସ୍ଥା ଗୁରୁତର ରହିଛି। ଘଟଣାର ଭିଡିଓ ବର୍ତ୍ତମାନ ସୋସିଆଲ ମିଡିଆରେ ଖୁବ୍ ଭାଇରାଲ ହେବାରେ ଲାଗିଛି। ସେପଟେ ପୁଲିସ୍ ଏହି ଘଟଣାରେ ଭିଡିଓ କରୁଥିବା ଯୁବକଙ୍କୁ ଅଟକ ରଖି ପଚରାଉଚରା ଜାରି ରଖିଛି।
Comments are closed.