ସମ୍ବଲପୁର: ପୂର୍ବତନ ମନ୍ତ୍ରୀ ନବ କିଶୋର ଦାସଙ୍କ ହତ୍ୟା ମାମଲାରେ ତଦନ୍ତରେ ସାଂଘାତିକ ତ୍ରୁଟି ହୋଇଥିବା ସୂଚନା ମିଳିଛି। ହତ୍ୟା ମାମଲାର ସାକ୍ଷୀଙ୍କ ସାର୍ଟ ରଙ୍ଗ ବଦଳି ଯାଇଥିବା ସୂଚନା ମିଳିଛି। ହଳଦିଆ ସାର୍ଟ ପିନ୍ଧିଥିବା ବ୍ୟକ୍ତି ଧଳା ସାର୍ଟ ପିନ୍ଧିଥିବା ଦର୍ଶାଯାଇଛି। ପ୍ରପର୍ଟି ସିଜର ତାଲିକାରେ ତ୍ରୁଟି ହୋଇଥିବା ସୂଚନା ମିଳିଛି। ଏହି ଘଟଣାର ତଦନ୍ତ କ୍ରାଇମବ୍ରାଞ୍ଚ କରୁଛି।
ତେବେ ପୂର୍ବତନ ମନ୍ତ୍ରୀ ନବ ଦାସଙ୍କ ଗୁମର ଖୋଲିବ କି ନାହିଁ ତାହାକୁ ନେଇ ସନ୍ଦେହ ପ୍ରକାଶ ପାଇଥିବାବେଳେ କ୍ରାଇମବ୍ରାଞ୍ଚର ବିଶ୍ୱନୀୟତା ଉପରେ ଏବ ପ୍ରଶ୍ନବାଚୀ ସୃଷ୍ଟି ହେଉଥିବା ସ୍ଥାନୀୟ ଲୋକେ ପ୍ରକାଶ କରିଛନ୍ତି।
- Advertisement -
ଅପରପକ୍ଷରେ ସ୍ୱର୍ଗତ ନବ ଦାସଙ୍କ ଭାଇ ବ୍ରଜକିଶୋର ଦାସଙ୍କ ଘରେ ଚାଲିଥିବା ଆଇଟି ରେଡ ଚଢ଼ାଉ ଚତୁର୍ଥ ଦିନରେ ପହଞ୍ଚିଛି। ସମ୍ବଲପୁର ଧନକଡ଼ଉଡ଼ାସ୍ଥିତ ଘର ଓ ଅଫିସରେ ଆୟକର ଟିମ ଚଢ଼ାଉ ଜାରି ରଖିଛି।
