ପାଟଣା: କିଛିଦିନ ହେଲା ୨୭ ଟିକିଆ ହାତୀପଲ ପାଟଣା ବନାଞ୍ଚଳରେ ଉପଦ୍ରବ ଜାରି ରଖିଥିବା ବେଳେ ଶନିବାର ସମରା ମୁଣ୍ଡା(୫୫)ନାମକ ଜଣେ ଛେଳି ଚରାଳି ପୁରୁଣାପାଣି ଜଙ୍ଗଲରେ ହାତୀ ଆକ୍ରମଣରେ ପ୍ରାଣ ହରାଇଥିଲେ। ଏହି ହାତୀପଲଙ୍କ ଗତିବିଧି ଓ ପ୍ରକୃତିକୁ ଅନୁଧ୍ୟାନ କରିବା ପାଇଁ ପାଟଣା ବନ ବିଭାଗ ରବିବାର ଏରେଣ୍ଡେଇ ବୈତରଣୀ ପଠାରୁ ହାତୀପଲ ରହୁଥିବା ସ୍ଥାନ ଉପରେ ଡ୍ରୋନ କ୍ୟାମେରା ଉଡାଇଛି। ପାଟଣା ବନାଞ୍ଚଳ ଅଧିକାରୀ ବନବିହାରୀ ସର୍ଦ୍ଦାରଙ୍କ ଉପସ୍ଥିତିରେ ପାଟଣା ବନପାଳ ପିଅନ ନାଏକ, ଘଟଗାଁ ବନପାଳ ଯତୀନ୍ଦ୍ର କୁମାର ସାହୁ, ବନରକ୍ଷୀ ଦେବଜାନୀ ମହାନ୍ତ, ଜିଲ୍ଲା ବନଖଣ୍ଡ ଅଧିକାରୀଙ୍କ କାର୍ଯ୍ୟାଳୟରୁ ଆସିଥିବା ଜୀବବିଜ୍ଞାନୀମାନେ ଡ୍ରୋନ ଉଡାଇ ହାତୀପଲଙ୍କ ଫଟୋ ଚିତ୍ର ଉତ୍ତୋଳନ କରିଥିଲେ। ତେବେ ଏହି ହାତୀପଲରେ ୨୭ ନୁହେଁ ପ୍ରକୃତରେ ୨୪ଟି ହାତୀ ଥିବା ଜଣାପଡିଛି। ସେମାନଙ୍କ ମଧ୍ୟରେ ୬ଟି ଦନ୍ତା ୧୧ଟି ମାଇ ହାତୀ ଓ ୭ଟି ଛୁଆ ହାତୀ ଥିବା ଜଣାପଡିଛି।
Comments are closed.