ବାଲି ବୋଝେଇ ହାଇୱା ଜବତ କଲା ବନବିଭାଗ

ପାଟଣା : ପାଟଣା ବନବିଭାଗ ପକ୍ଷରୁ ଚଢ଼ାଉ କରାଯାଇ ଗତ ରାତି ୧୦ ଟା ୪୫ ରେ ଚାଙ୍ଗୁଆପଡା ବୈତରଣୀ ଗର୍ଭରୁ ଏକ ବାଲି ବୋଝେଇ ହାଇୱା ଜବତ କରାଯାଇଛି । ବେଆଇନ ଭାବେ ବାଲି ପରିବହନ ହେଉଥିବା ଖବର ପାଇ ପାଟଣା ବନାଞ୍ଚଳ ଅଧିକାରୀ ବନବିହାରୀ ସର୍ଦ୍ଦାର ,ପାଟଣା ବନପାଳ ପିଅନ ନାଏକ ଖିରେଇଟାଙ୍ଗିରୀ ବନପାଳ ପୂର୍ଣ୍ଣ ଚନ୍ଦ୍ର ମହାନ୍ତ ଓ ଅନ୍ୟ ପାରା କର୍ମଚାରୀ ମାନେ ଚାଙ୍ଗୁଆପଡା ନିକଟରେ ଚଢ଼ାଉ ସମୟରେ ଓ ଆର ୧୯ ଏମ ୪୯୭୯ ବିଶିଷ୍ଟ ହାଇଓ୍ବାକୁ ବାଲି ବୋଝେଇ ଅବସ୍ଥାରେ ଜବତ କରିଛନ୍ତି। ଏହା ଛଡ଼ା ହାଇୱା ଚାଳକ ବିମଲ କୁମାର ନାଏକଙ୍କୁ ମଧ୍ୟ ବନବିଭାଗ ଅଟକ ରଖିଛି। ପାଟଣା ବନାଞ୍ଚଳ ଖିରେଇ ଟାଙ୍ଗିରୀ ସେକ୍ସନ ଯମୁନା ପଶି ବିଟ ଅଞ୍ଚଳର ଏହି ଜାଗାରୁ ଜବତ ହାଇୱାଟି ବଡ ଧନୁର୍ଜୟପୁର ଗ୍ରାମର ତ୍ରିଲୋଚନ ମହାନ୍ତଙ୍କର ବୋଲି ଜଣାପଡିଛି। ଜୋରିମାନା ଆଦାୟ ପରେ ହାଇୱାକୁ ଛଡ଼ାଯିବ ବୋଲି ବନବିଭାଗ ସୂଚନା ଦେଇଛି।