ସମ୍ବଲପୁର : ସମ୍ବଲପୁର ଜିଲାର ଯୁଜୁମୁରା ବ୍ଲକ ଅର୍ନ୍ତଗତ ଜୟନ୍ତପୁର ଉଚ୍ଚ ବିଦ୍ୟାଳୟର ପଡିଆ ଠାରେ ୪୮ତମ ଏକ ଦିବସୀୟ ଫୁଟବଲ ପ୍ରତିଯୋଗୀତା ଆୟୋଜିତ ହୋଇଯାଇଛି । ମାଁ ମେଟାକାନୀ ଫୁଟବଲ ଆସୋସିଏସନ ଡାକଡେରା ତରଫରୁ ଆୟୋଜିତ ଏହି ଫୁଟବଲ ପ୍ରତିଯୋଗୀତାରେ ୮ଟି ଦଳ ଯଥା ଭୂତାପଡା, ମିର୍ଗାମୁଣ୍ଡା, ହପ୍ରିଆବାହାଲ, ଡାକଡେରା, ଝାଙ୍କରପାଲି, ପଡିଆବାହାଲ, ଜମାଦାରପାଲି (ଜଟୁପଡା) ଏବଂ ବୁର୍ଲା ଦଳ ଅଂଶଗ୍ରହଣ କରିଥିଲେ। ବିଭିନ୍ନ ପର୍ଯ୍ୟାୟରେ ଆୟୋଜିତ ଏହି ପ୍ରତିଯୋଗୀତାର ଫାଇନାଲ ମ୍ୟାଚରେ ଜମାଦାରପାଲି ଜଟୁପଡା ଦଳ ମିର୍ଗାମୁଣ୍ଡା ଦଳକୁ ସଂଘର୍ଷପୂର୍ଣ୍ଣ ୧- ୦ ଗୋଲରେ ପରାସ୍ତ କରି ଚାମ୍ପିୟନ ହୋଇଥିଲେ। ଉଦଯାପନୀ ଉତ୍ସବରେ ଜୟନ୍ତପୁର ପଞ୍ଚାୟତର ପୂର୍ବତନ ସରପଞ୍ଚ ଗଣେଶ ତାଣ୍ଡିଆ, ମୁଖ୍ୟ ଅତିଥି ରୂପେ ଯୋଗ ଦେଇ ବିଜେତା ଓ ଉପ ବିଜେତା ଦଳ ଗୁଡିକୁ ପୁରସ୍କୃତ କରିଥିଲେ । ପ୍ରତିଯୋଗୀତାର ମ୍ୟାଚ ଗୁଡିକୁ ରେଫରୀ ରୂପେ ରାଜାରାମ ଓରାମ, ବିଜୟ ଓରାମ, ଦେବାନନ୍ଦ ମିର୍ଦ୍ଧା, ବୃଷଭାନୁ ମହନ୍ତ ପ୍ରମୁଖ ପରିଚାଳନା କରିଥିଲେ। ସେହିଭଳି ପ୍ରତିଯୋଗୀତାକୁ ଆୟୋଜନ କମିଟି ତରଫରୁ ସଞ୍ଜୟ ସେରୁଏ, ରାଜକୁମାର ମୁଣ୍ଡା, ପ୍ରକାଶ ଓରାମ, ରାଜିନ ଓରାମ, ବୃଷଭାନୁ ମହନ୍ତି ପ୍ରମୁଖ ଆୟୋଜନ ଓ ପରିଚାଳନାରେ ସକ୍ରିୟ ଭୂମିକା ତୁଲାଇ ଥିଲେ।
Comments are closed.