ଜି.ଉଦୟଗିରି : କରୋନା ମହାମାରୀ ଯୋଗୁଁ ରାଜ୍ୟରେ ତାଲାବନ୍ଦ ଚାଲିଥିବା ବେଳେ ବହୁ ଲୋକ ରୋଜଗାର ହରାଇଛନ୍ତି । ଫଳରେ ଲୋକଙ୍କ ଆର୍ଥିକ ସମ୍ବଳ ଦିନକୁ ଦିନ ଖରାପ ହେବାରେ ଲାଗିଛି। ଏମିତିକି ଦିନକୁ ଦୁଇବେଳା ଖାଇବାକୁ ମିଳିବା କଷ୍ଟ ହେବାର ଆଶଂକା ଦେଖା ଦେଇଛି। ଏତିକି ବେଳେ ସ୍ୱେଛାସେବୀ ସଙ୍ଗଠନ ଓ୍ୱାର୍ଡ ଓ ଗୁଞ୍ଜ ତରଫରୁ ଆଜି ଜି.ଉଦୟଗିରି ସହରର ବିଭିନ୍ନ ସାହିରେ ବାସ କରୁଥିବା ଆର୍ଥିକ ଅନଗ୍ରସର ଲୋକ ମାନଙ୍କୁ ସୁଖିଲା ଖାଦ୍ୟ ବଣ୍ଟନ କରାଯାଇଛି। ସ୍ୱେଛାସେବୀ ସଙ୍ଗଠନ ଓ୍ୱାର୍ଡ ସମ୍ପାଦକ ଆଶୁତୋଷ ସାହୁ ଓ ଗୁଞ୍ଜର ଓଡିଶା ମୂଖ୍ୟ ସୁରେଶ କୁମାର ଓ କର୍ମୀ ଦେବାଶିଷ ପ୍ରଧାନଙ୍କ ତତ୍ୱାବଧାନରେ ଆୟୋଜିତ ଏହି କାର୍ଯ୍ୟକ୍ରମରେ ରେ ସାମ୍ବାଦିକ ସମୀର କୁମାର ପାଢୀ, ଅରୁଣ କୁମାର ଷଡଙ୍ଗୀ ବଟକୃଷ୍ଣ ଦାଶ, ରାମକୃଷ୍ଣ ଚୌଧୁରୀ, ପ୍ରତାପ ଚନ୍ଦ୍ର ପାଢୀ ପ୍ରମୁଖ ଯୋଗ ଦେଇ ସୁଖିଲା ଖାଦ୍ୟ ବଣ୍ଟନ ର ଶୁଭାରମ୍ଭ କରିଥିଲେ। ଏହି କାର୍ଯ୍ୟକ୍ରମରେ ରବିନ୍ଦ୍ର କୁମାର ସାହୁ, ପ୍ରଶାନ୍ତ ବଗର୍ତ୍ତୀ, ଶାରଳା ନାୟକ,ବିପିନ ନାୟକ ପ୍ରମୁଖ ସହଯୋଗ କରିଥିଲେ।
Popular Categories
Previous article
Next article