ବାଉଁଶୁଣି : କିଛି ଦିନ ହେବ ରାଜ୍ୟର ବିଭିନ୍ନ ଅଞ୍ଚଳରେ ଲଗାଣ ବର୍ଷା ଜାରି ରହିଛି। ବର୍ଷାରେ ବୌଦ୍ଧ ଜିଲ୍ଲା ମନୁପାଲି ଗ୍ରାମ ପଞ୍ଚାୟତର ଜମଟାଙ୍ଗୀ ଠାରୁ ଡିଗୀ ଗାଁକୁ ଯାଇଥିବା ରାସ୍ତା ଉପରେ ୬ ଫୁଟ ଉଚ୍ଚର ବନ୍ୟା ଜଳ ପ୍ରବାହିତ ହେଉଛି। ଫଳରେ ଡ଼ିଗି, ମୁଣ୍ଡିପଦର୍, ଶୋଭାପାବୁଲି, ଗୋଡ଼ଭଙ୍ଗା ଏବଂ ଶଗଡା ଅଞ୍ଚଳକୁ ଯୋଗାଯୋଗ ବିଚ୍ଛିନ୍ନ ହୋଇଛି । ବିଶେଷ କରି ଏହି ରାସ୍ତାରେ ଛାତ୍ରଛାତ୍ରୀ,ଶିକ୍ଷକ ଶିକ୍ଷୟତ୍ରୀ ଏବଂ ସାଧାରଣ ଜନସାଧାରଣ ଯିବା ଆସିବା କରନ୍ତି। କିନ୍ତୁ ଦୁଇ ଦିନ ଧରି ଲଗାଣ ବର୍ଷା ଯୋଗୁଁ ମୁହାଣ ନାଳରେ କୃତ୍ରିମ ବନ୍ୟା ପରିସ୍ଥିତି ଉପୁଜିଛି। ଏହି ଅଞ୍ଚଳ ର ଅଧିବାସୀ ପ୍ରତିବର୍ଷ ଏଭଳି ସମସ୍ୟା ର ସମ୍ମୁଖୀନ ହେଉଛନ୍ତି। ଏବଂ ବାରମ୍ବାର ଉପରିସ୍ଥ ଅଧିକାରୀଙ୍କୁ ଅଭିଯୋଗ କରୁଛନ୍ତି। ହେଲେ ଶୁଣୁଛି କିଏ । ଜିଲ୍ଲା ପ୍ରଶାସନ ତୁରନ୍ତ ଏହି ସମସ୍ୟା ର ସମାଧାନ କଲେ ହୁଏତ ଅଞ୍ଚଳବାସୀ ଏଭଳି କୃତ୍ରିମ ବନ୍ୟା ଦାଉରୁ ମୁକ୍ତି ପାଇପାରିବେ।
Popular Categories
Previous article
Next article