ମୁମ୍ବଇ : ମେଘନା ଗୁଲଜାରଙ୍କ ନିର୍ଦ୍ଦେଶନାରେ ନିର୍ମାଣାଧୀନ ଚଳଚ୍ଚିତ୍ର ‘ଛପାକ୍’ରେ ଦୀପିକାଙ୍କ ପ୍ରଥମ ଲୁକ୍ ସୋମବାର ସାମ୍ନାକୁ ଆସିଛି। ଫଟୋରେ ତାଙ୍କୁ ଜଣେ ଏସିଡ଼୍ ପୀଡ଼ିତାଙ୍କ ରୂପରେ ଦେଖିବାକୁ ମିଳିଛି। ଦୀପିକା ନିଜେ ଟ୍ୱିଟ୍ କରି ଚଳଚ୍ଚିତ୍ରରେ ତାଙ୍କର ଏହି ଲୁକ୍ ଶେୟାର କରିବା ସହ ମୁକ୍ତିଲାଭ ତାରିଖ ମଧ୍ୟ ଘୋଷଣା କରିଛନ୍ତି। ସେ ଲେଖିଛନ୍ତି, “ଛପାକ୍ ର ଶୁଟିଂ ଆଜିଠାରୁ ଆରମ୍ଭ ହୋଇଛି ଓ ଏହା ଆସନ୍ତା ବର୍ଷ ୧୦ଜାନୁଆରୀରେ ମୁକ୍ତିଲାଭ କରିବ”।
ଉଲ୍ଲେଖଯୋଗ୍ୟ, ‘ଛପାକ୍’ ଏସିଡ଼୍ ପୀଡ଼ିତା ଲକ୍ଷ୍ମୀ ଅଗ୍ରୱାଲଙ୍କ ଜୀବନୀ ଉପରେ ଆଧାରିତ ଚଳଚ୍ଚିତ୍ର। ଏଥିରେ ଦୀପିକା ଲକ୍ଷ୍ମୀଙ୍କ ଭୂମିକାରେ ଅଭିନୟ କରିଛନ୍ତି। ଏହି ରୂପରେ ତାଙ୍କୁ ଚିହ୍ନିବା କଷ୍ଟକର ହୋଇପଡ଼ିଛି। ଚଳଚ୍ଚିତ୍ରରେ ଦୀପିକାଙ୍କ ଚରିତ୍ରର ନାମ ରହିଛି ମାଳତୀ।
