ସଇଁତଲା : ବଲାଙ୍ଗୀର ଜିଲା ସଇଁତଳା ଥାନା ଅନ୍ତର୍ଗତ କୁଇକେଡା ଗ୍ରାମ ନିକଟରେ ବାଇକରେ ଆସୁଥିବା ଜଣେ ମଦ ଭାଟି ମ୍ୟାନେଜରଙ୍କୁ ଗୁଳି କରି ଦୁର୍ବୃତ୍ତ ୨ ଲକ୍ଷ ଟଙ୍କା ଲୁଟି ନେଇଥିବା ଅଭିଯୋଗ ହୋଇଛି। ଲୁଟ୍ ପରେ ୩ ଜଣ ଦୁର୍ବୃତ୍ତ ଫେରାର ଥିବା ଜଣାପଡ଼ିଛି। ସୂଚନା ଅନୁସାରେ, ଭାଟି ମ୍ୟାନେଜର ନରେନ୍ଦ୍ର ପ୍ରସାଦ ଓ ତାଙ୍କ ସହ ଆଉ ଜଣେ ବ୍ୟକ୍ତି ଟଙ୍କା ଧରି ସଇଁତଲା-ଟିଟିଲାଗଡ଼ ରାସ୍ତାରେ ବାଇକରେ ଆସୁଥିଲେ। ହଠାତ୍ ୩ଜଣ ଦୁର୍ବୃତ୍ତ ଆସି ରାସ୍ତାରେ ତାଙ୍କ ଗୋଡ଼କୁ ଗୁଳି କରିଥିଲେ ଓ ତାଙ୍କ ନିକଟରେ ଥିବା ଟଙ୍କା ଲୁଟି ନେଇ ଯାଇଥିଲେ। ଖବର ପାଇ ପୁଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି।
