ଭୁବନେଶ୍ୱର: ବସ୍ରେ ଅଗ୍ନି ନିର୍ବାପକ ବ୍ୟବସ୍ଥା ନ ଥିଲେ ବାତିଲ ହେବ ବସ୍ ପରମିଟ୍। ବୁଧବାର ବରମୁଣ୍ଡା ବସ ଷ୍ଟାଣ୍ଡରେ ଏକ ବସରେ ନିଆଁ ଲାଗିବା ପରେ ଚେତିଛି ପ୍ରଶାସନ। ଗୁରୁବାର ବସ୍ ମାଲିକ ଓ ଆରଟିଓଙ୍କ ମଧ୍ୟରେ ଆଲୋଚନା ପରେ ଏହି ନିଷ୍ପତ୍ତି ନିଆଯାଇଛି। ଏଥିସହିତ ଭୁବନେଶ୍ୱରର ବ୍ୟସ୍ତବହୁଳ ଛକ ଆଚାର୍ୟ୍ୟ ବିହାର ଓ ବାଣୀବିହାରରେ ଭିଡ଼ ନିୟନ୍ତ୍ରଣ ନେଇ ଆଲୋଚନା ମଧ୍ୟ ହୋଇଥବା ଜଣାପଡିଛି । ଏଣିକି ଟ୍ରାଫିକ ପୋଷ୍ଟ ଠାରୁ ଠାରୁ ୨ ଶହ ମିଟର ଦୂରରେ ବସ୍ ରଖିବାକୁ ନିଷ୍ପତ୍ତି ହୋଇଛି। ଏଠାରେସୂଚନାଯୋଗ୍ୟ ବୁଧବାର ଭୁବନେଶ୍ୱରର ବରମୁଣ୍ଡା ବସ୍ ଷ୍ଟାଣ୍ଡରେ ‘ଚକାଡ଼ୋଳା’ ନାମକ ଏକ ଯାତ୍ରୀବାହୀ ବସ୍ରେ କୌଣସି କାରଣରୁ ଅଗ୍ନିକାଣ୍ଡ ଘଟି ନିଆଁ ଲାଗି ଯାଇଥିଲା। ଯାହାଫଳରେ ବସ ଷ୍ଟାଣ୍ଡ ମଧ୍ୟରେ ବସଟି ହୁ ହୁ ହୋଇ ଜଳି ଯାଇଥିଲା। ବସରେ ଥିବା ସମସ୍ତ କର୍ମଚାରୀ ଏବଂ ଯାତ୍ରୀ ଓହ୍ଲାଇ ଯାଇଥଲେ। ବ୍ୟସ୍ତ ବହୁଳ ବରମୁଣ୍ଡା ବସ ଷ୍ଟାଣ୍ଡରେ ବସରେ ନିଆଁ ଲାଗିବା ପରେ ଯାତ୍ରୀଙ୍କ ସୁରକ୍ଷା ନେଇ ପ୍ରଶ୍ନବାଚୀ ସୃଷ୍ଟି ହୋଇଥିଲା। ଯାହ ଫଳରେ ପ୍ରଶାସନ ପକ୍ଷରୁ ତତ୍ପରତା ଦେଖାଯାଇ ଗୁରୁବାର ବୈଠକ ଅନୁଷ୍ଠିତ ହୋଇଥଲା।
Comments are closed.