ନୂଆଦିଲ୍ଲୀ: ଜାତୀୟ ରାଜଧାନୀ ଦିଲ୍ଲୀରେ ପୁଣିଥରେ ଭୟାବହ ଅଗ୍ନିକାଣ୍ଡ ଘଟିଛି। ଦିଲ୍ଲୀର ଏକ କପଡ଼ା ଗୋଦାମରେ ନିଆଁ ଲାଗି ଯିବାରୁ ୯ ଜଣ ଲୋକ ଜୀବନ୍ତ ଦଗ୍ଧ ହୋଇଯାଇଥିବା ବେଳେ ୧୦ ଜଣ ଗୁରୁତର ଆହତ ହୋଇଛନ୍ତି। ଏହି ଭୟାବହ ଅଗ୍ନିକାଣ୍ଡ ଘଟିଛି ଦିଲ୍ଲୀର କିରାରି ଅଞ୍ଚଳରେ।ସୂଚନାଅନୁସାରେ ରବିବାର ମଧ୍ୟରାତ୍ରରେ କିରାରି ସ୍ଥିତ ଏକ କପଡ଼ା ଗୋଦାମରେ ନିଆଁ ଲାଗିଯାଇଥିଲା। ଏକ ଚାରି ମହଲା କୋଠାର ଘରର ତଳ ମହଲାରେ ଏହି ଗୋଦାମ ଥିଲା। ନିଆଁ ଲାଗିବା ଜାଣିବା ପରେ ଗୋଦାମ କର୍ମଚାରୀ ଅଗ୍ନିଶମ ବିଭାଗକୁ ସୂଚନା ଦେଇଥିଲେ। ନିଆଁର ପ୍ରକୋପ ପ୍ରଖର ଥିବାରୁ ଦମକଳ ବାହିନୀ ଘଟଣାସ୍ଥଳରେ ପହଞ୍ଚିବା ପୂର୍ବରୁ ଗୋଦାମରେ କାର୍ୟ୍ୟକରୁଥିବା ୯ ଜଣଙ୍କର ମୃତ୍ୟୁ ହୋଇସାରିଥିବା ବେଳେ ଲକ୍ଷାଧିକ ଟଙ୍କାର ଜିନିଷ ଭସ୍ମିଭୂତ ହୋଇ ସାରିଥିଲା ।ଦମକଳ ବାହିନୀ ଘଟଣାସ୍ଥଳରେ ପହଞ୍ଚି ନିଆଁକୁ ଆୟତ୍ତ କରିବା ସହିତ ଆହତ ମାନଙ୍କୁ ଉଦ୍ଧାର କରିଥିଲେ। ଆହତମାନଙ୍କୁ ସ୍ଥାନୀୟ ମେଡିକାଲରେ ଭର୍ତ୍ତି କରାଯାଇଛି। ଅଗ୍ନିକାଣ୍ଡର ପ୍ରକୃତ କାରଣ ଜଣାପଡିନଥିଲେ ମଧ୍ୟ ବିଦ୍ୟୁତ ସଟସର୍କିଟ ଯୋଗୁଁ ଏହି ଘଟଣା ଘଟିଥିବା ଅନୁମାନ କରାଯାଉଛି ।
#UPDATE Delhi Fire Department: 9 people died in the fire which broke out in a cloth godown in Kirari late last night. https://t.co/PXShLLo593
— ANI (@ANI) December 23, 2019
ସୂଚନାଯୋଗ୍ୟ ଏହାପୂର୍ବରୁ ରାଜଧାନୀ ଦିଲ୍ଲୀର ସୂଚନାଯୋଗ୍ୟ ଜାତୀୟ ରାଜଧାନୀରେ ଚଳିତ ମାସ ଏହା ହେଉଛି ତୃତୀୟ ଥର ପାଇଁ ଅଗ୍ନିକାଣ୍ଡ ଘଟଣା । ଚଳିତ ମାସର ୮ ତାରିଖରେ ଅନାଜ ମଣ୍ଡିର ଅଗ୍ନିକାଣ୍ଡ ଅତି ଭୟଙ୍କର ଥିଲା । ଏକ କାରଖାନାରେ ନିଆଁ ଲାଗିଯିବାରୁ ୪୩ ଜଣ ଶ୍ରମିକଙ୍କର ମୃତ୍ୟୁ ହୋଇଥିଲା । ଏହି ଅଗ୍ନିକାଣ୍ଡ ଘଟଣାର ଅଳ୍ପ କିଛି ଦିନ ପରେ ୧୪ ତାରିଖରେ ମୁଣ୍ଡକସ୍ଥିତ ଏକ କାରଖାନାରେ ନିଆଁ ଲାଗିଥିଲା
