ଅହମ୍ମଦାବାଦ୍ : ୱେଷ୍ଟଇଣ୍ଡିଜ୍ରେ ଆୟୋଜିତ ୧୯ ବର୍ଷରୁ କମ୍ କ୍ରିକେଟ ବିଶ୍ବକପ ବିଜେତା ଭାରତୀୟ ଦଳ ବୁଧବାର ଅହମ୍ମଦାବାଦର ନରେନ୍ଦ୍ର ମୋଦୀ ଷ୍ଟାଡ଼ିୟମରେ ଖେଳାଯାଇଥିବା ଭାରତ ଓ ୱେଷ୍ଟଇଣ୍ଡିଜ୍ ଦ୍ବିତୀୟ ଦିନିକିଆ ମ୍ୟାଚକୁ ଉପଭୋଗ କରିଥିଲେ । ଖେଳାଳିମାନଙ୍କ ସମେତ ମୁଖ୍ୟ ପ୍ରଶିକ୍ଷକ ହୃଷିକେଶ କାନିତକର, ଜାତୀୟ କ୍ରିକେଟ ଏକାଡ଼େମୀ ନିର୍ଦେଶକ ଭିଭିଏସ୍ ଲକ୍ଷ୍ମଣଙ୍କ ସମେତ ଅନ୍ୟ ସଦସ୍ୟ ଓ ଖେଳାଳିମାନେ ଷ୍ଟାଡ଼ିୟମରେ ବସି ମ୍ୟାଚ ଉପଭୋଗ କରିଥିଲେ। ଏହି ଅବସରରେେ ବିସିସିଆଇ ପକ୍ଷରୁ ଦଳକୁ ସମ୍ବର୍ଦ୍ଧିତ କରାଯାଇଥିଲା। ପ୍ରଥମ ଇନିଂସ ଖେଳ ଶେଷ ହେବା ପରେ ମଧ୍ୟାହ୍ନ ବିରତି ସମୟରେ ଖେଳାଳି ଓ ଦଳର ସହଯୋଗୀ ସଦସ୍ୟଙ୍କୁ ସମ୍ବର୍ଦ୍ଧନା ଦିଆଯାଇଥିଲା । ଏଥିରେ ବିସିସିଆଇ ସମ୍ପାଦକ ଜୟ ଶାହ ଉପସ୍ଥିତ ଥିଲେ। ୟଶ ଧୁଲଙ୍କ ନେତୃତ୍ବାଧିନ ଭାରତୀୟ ଦଳ ଫାଇନାଲରେ ୱେଷ୍ଟଇଣ୍ଡିଜ୍କୁ ୪ ୱିକେଟରେ ପରାସ୍ତ କରି ରେକର୍ଡ ପଞ୍ଚମ ଥର ପାଇଁ ବିଜେତା ହୋଇଛି।
Popular Categories
Previous article
Next article