ତିଗିରିଆ : ତିଗିରିଆ ବିଚାର ବିଭାଗୀୟ ଅଦାଲତରେ କ୍ୟାଡ଼ର ଏପିପି ରଶ୍ମିପ୍ରଭା ମହାପାତ୍ରଙ୍କୁ ଇସ୍ପାତ ଓ ଖଣି ବିଭାଗର ସହକାରୀ ନିର୍ଦେଶକ, ଆଇନ୍ ଭାବରେ ନୂତନ ନିଯୁକ୍ତି ମିଳିଛି । ଏଣୁ ସେ ଦୀର୍ଘ ୫ ବର୍ଷ ଧରି ତିଗିରିଆରେ କାର୍ଯ୍ୟ କରି ଆସିଥିବା କ୍ୟାଡ଼ର ଏପିପି ପଦ ତ୍ୟାଗ କରିଛନ୍ତି। ଏହି ଅବସରରେ ତିଗିରିଆ ଓକିଲ ସଂଘ ପକ୍ଷରୁ ଶ୍ରୀମତୀ ମହାପାତ୍ରଙ୍କୁ ବିଦାୟକାଳୀନ ସମ୍ବର୍ଦ୍ଧନା ପ୍ରଦାନ କରାଯାଇଛି। ସଂଘର ସଭାପତି ମଙ୍ଗଳକୃଷ୍ଣ ଦାସଙ୍କ ପୌରୋହିତ୍ୟରେ ସଂଘ ସଭା ଗୃହରେ ଗୁରୁବାର ଅନୁଷ୍ଠିତ ଏହି ସମ୍ବର୍ଦ୍ଧନା ସଭାରେ ଶ୍ରୀମତୀ ମହାପାତ୍ରଙ୍କୁ ଉତ୍ତରୀୟ ଓ ପୁଷ୍ପଗୁଚ୍ଛ ଦେଇ ସମ୍ବର୍ଦ୍ଧିତ କରାଯିବା ସହିତ ତାଙ୍କର ଉଜ୍ଜ୍ବଳମୟ ଭବିଷ୍ୟତ ପାଇଁ ପ୍ରଭୁ ପ୍ରସନ୍ନମଣିଙ୍କୁ ପାର୍ଥନା କରାଯାଇଥିଲା। ଏହି କାର୍ଯ୍ୟକ୍ରମରେ ବରିଷ୍ଠ ଆଇନଜୀବୀ ପ୍ରଶାନ୍ତ ପଟ୍ଟନାୟକ, ବିକ୍ରମ କେଶରୀ ଦାଶ, ଶ୍ରୀକାନ୍ତ ସାହୁ, ଶରତ ଚନ୍ଦ୍ର ମହାପାତ୍ର, ରଘୁନାଥ ଦାଶ, ରଞ୍ଜନ ମହାରଣା, ଶାନ୍ତନୁ ଦାସ, ତନ୍ମୟ ମିଶ୍ର, ପଠାଣି ଚରଣ ବେହେରା, ସରୋଜ ସାହୁ, ରମେଶ ମାଝୀ, ଅର୍ଚନା ସିଂ ସାମନ୍ତ, ଇଭା ପଣ୍ଡା, ରାଜଲକ୍ଷ୍ମୀ ସୁଜାତା ସିଂ, ଚନ୍ଦ୍ରମଣି ପଣ୍ଡା, ପରି ସ୍ମିତା ନନ୍ଦ ପ୍ରମୁଖ ଉପସ୍ଥିତ ଥିଲେ।
Comments are closed.