ପିତାଙ୍କୁ ସମ୍ମାନ କରୁଥିବା ପ୍ରତ୍ୟେକ ବ୍ୟକ୍ତି ସମାଜରେ ମଧ୍ୟ ସମ୍ମାନ ପାଇଥାଆନ୍ତି। ସନ୍ତାନଙ୍କ ଲାଳନ ପାଳନ ସହ ସେମାନଙ୍କ ଉଜ୍ୱଳ ଭବିଷ୍ୟତ ପାଇଁ କାମ କରନ୍ତି । ମାଆ ତ୍ୟାଗର ପ୍ରତୀକ ହୋଇଥିବା ବେଳେ ପିତା ଉତ୍ସଗର ପ୍ରତୀକ । ପରିବାରର ଭରଣ ପୋଷଣ ସହ ସନ୍ତାନଙ୍କ ଲାଳନ ପାଳନ , ଭବିଷ୍ୟତ ଗଠନ ପିତାଙ୍କ କାନ୍ଧରେ ନ୍ୟସ୍ତ ଥାଏ ।
କ୍ଲାନ୍ତ ଶରୀର ଓ ମନରେ ବି ପରିବାର ଉଜ୍ୱଳ ଭବିଷ୍ୟତ ଓ ଭରଣ ପୋଷଣ ପାଇଁ ପିତା କାମ କରିଚାଲନ୍ତି ।
- Advertisement -
ଆଜିର ଦୁନିଆରେ ସନ୍ତାନ ଉଚ୍ଚ ପଦ ପଦବୀ ଓ ବିଦେଶରେ ଚାକିରି ପାଇଁ ବାହାରେ ରହୁଥିବା ବେଳେ ପିତାମାତା ଏକାକୀ ଜୀବନ ବିତାଉଛନ୍ତି। ଯୌଥ ପରିବାର ଏବେ ଏକକ ପରିବାରରେ ପରିଣତ ହୋଇଛି । ଏଥିପାଇଁ ପିତା ଓ ମାତା ଉଭୟଙ୍କର ଦାୟୀତ୍ୱ ବୃଦ୍ଧି ପାଇଛି । ମାତ୍ର ସନ୍ତାନଙ୍କ ଠାରୁ ପାଇବାର ଆଶା ନକରି ଏମାନେ ସେମାନଙ୍କୁ ପାଇଁ ଅନେକ କିଛି ଉତ୍ସଗ କରିଦେଇଛନ୍ତି । ଏଥିପାଇ ଦୁନିଆଁରେ ସେମାନ ସବୁଠାରୁ ବଡ ।
