ବୌଦ୍ଧ: ଟ୍ରକରେ ଚାପି ହୋଇଗଲେ ବାପାଙ୍କ ସହ ଦୁଇ ପୁଅ । ବୌଦ୍ଧ ପୁରୁଣା କଟକ ଲୁଣିବାହାଲ ନିକଟରେ ମର୍ମନ୍ତୁଦ ସଡକ ଦୁର୍ଘଟଣା ଘଟିଛି। ୫୭ ନଂ ଏନଏଚରେ ଶୁକ୍ରବାର ବିଳମ୍ବିତ ରାତିରେ ଏହି ଦୁର୍ଘଟଣା ଘଟିଛି। ମିଳିଥିବା ସୂଚନା ଅନୁସାରେ ଏକ କଖାରୁ ବୋଝେଇ ଟ୍ରକକୁ ଅଜଣା ଗାଡି ଧକ୍କା ଦେଇଥିଲା। ଫଳରେ ଡ୍ରାଇଭର ଏବଂ ତାଙ୍କର ଦୁଇ ପୁଅ ଗୁରୁତର ଆହତ ହୋଇଥିଲେ। ଟ୍ରକଟି କଖାରୁ ନେଇ ନବରଙ୍ଗପୁରରୁ ଭୁବନେଶ୍ବର ଯାଉଥିଲା । ଦୀର୍ଘ ସମୟର ଅପରେସନ ପରେ କଟରରେ କାଟି ଟ୍ରକରୁ ବାପା ଏବଂ ତିନି ପୁଅଙ୍କୁ ଅଗ୍ନିଶମବାହିନୀ ଉଦ୍ଧାର କରିଥିଲା। ପରେ ସମସ୍ତଙ୍କୁ ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଥିଲା। ଘଟଣା ସମୟରେ ବାପା ଟ୍ରକ ଚଲାଉଥିବାବେଳେ ତିନି ପୁଅ ପାଖରେ ବସିଥିଲେ। ପରେ ପୁଲିସ ଘଟଣାସ୍ଥଳରେ ପହଞ୍ଚି ଅଧିକ ତଦନ୍ତ ଜାରି ରଖିଛି।
Popular Categories
Previous article
Next article