ପାତ୍ରପୁର : ପାତ୍ରପୁର ବ୍ଲକ ତଣ୍ଡିପୁର ପଞ୍ଚାୟତ କାର୍ଯ୍ୟାଳୟ ଠାରେ ସୋମବାର ଚାରା ବଣ୍ଟନ ସହିତ ଏକ ମାଗଣା ଚକ୍ଷୁ ଚିକିତ୍ସା ଶିବିର ଅନୁଷ୍ଠିତ ହୋଇଥିଲା । ପ୍ରଥମେ ସୁରଙ୍ଗ ଫରେଷ୍ଟର ସନ୍ଧ୍ୟା ଦଳବେହେରା, ଅମରେଶ ଦାସ, ଜାନକୀ ପ୍ରଧାନ, ଅଳକା ରାଣୀ ବେହେରା, ରାଧା ମାଧବ ବିଶୋୟୀ ଆକାଶ ଗନ୍ତାୟତ ପ୍ରମୁଖ ବନ କର୍ମଚାରୀ ମାନଙ୍କ ଉପସ୍ଥିତିରେ ସ୍ଥାନୀୟ ସରପଞ୍ଚ ରୀତା ପାତ୍ର ଗ୍ରାମବାସୀଙ୍କୁ ଆମ୍ବ, ପଣସ, ସେଓ, ଜାମ୍ ଆଦି ବିଭିନ୍ନ ପ୍ରକାର ଚାରା ବଣ୍ଟନ କରିଥିଲେ।
ଏହାପରେ ସ୍ଥାନୀୟ ସରପଞ୍ଚ ରାଜୀବ ଗାନ୍ଧୀ ସେବାକେନ୍ଦ୍ର ଠାରେ ଆୟୋଜିତ ମାଗଣା ଚକ୍ଷୁ ଚିକିତ୍ସା ଶିବିରର ଶୁଭାରମ୍ଭ କରିଥିଲେ । ଏହି ଚକ୍ଷୁ ଚିକିତ୍ସା ଶିବିରରେ ୨୦ରୁ ଅଧିକ ଚକ୍ଷୁ ରୋଗୀଙ୍କ ମାଗଣାରେ ଚିକିତ୍ସା କରିବାସହ ମାଗଣା ଔଷଧ ଦିଆଯାଇଥିଲା। ବ୍ରହ୍ମପୁର ଆଇ କେୟାର ହସ୍ପିଟାଲ ପକ୍ଷରୁ ଆୟୋଜିତ ଶିବିରରେ ଡାକ୍ତର ରଘୁନାଥ ସାହୁ ଓ ଅନ୍ୟ କର୍ମଚାରୀ ଉପସ୍ଥିତ ରହି ଚିକିତ୍ସାରେ ସହଯୋଗ କରିଥିଲେ। ସରପଞ୍ଚ ପ୍ରତିନିଧି ମହେନ୍ଦ୍ର ନାଥ ପାତ୍ର କାର୍ଯ୍ୟକ୍ରମକୁ ପରିଚାଳନା କରିଥିଲେ।
Comments are closed.