ପାଟଣା : ପାଟଣା ମାଜିଷ୍ଟ୍ରେଟ ଦାୟିତ୍ବରେ ଥିବା ପାଟଣା ବିଡ଼ିଓ ଇଶ୍ଵର ଚନ୍ଦ୍ର ନାଏକଙ୍କ ସହ କେନ୍ଦୁଝର ଭ୍ରାମ୍ୟମାଣ ଅବକାରୀ ଦଳ ଓ ପାଟଣା ଅବକାରୀ ବିଭାଗ ପକ୍ଷରୁ ତୁରୁମୁଙ୍ଗା ଥାନାଧିକାରୀ ବୈଦ୍ୟନାଥ ସାହୁ ଓ ତାଙ୍କ ଦଳଙ୍କ ସହଯୋଗରେ ପାଟଣା ବ୍ଲକ ହିରାପଶି ଗ୍ରାମରେ ଆଜି ଅବକାରୀ ଚଢ଼ାଉ କରାଯାଇଥିଲା । ଚଢ଼ାଉ ଦଳଙ୍କୁ ଦେଖି ଗାଁର ଅଧା ଲୋକ ଘର ଛାଡି ଫେରାର ହୋଇଯାଇଥିବା ବେଳେ ଗ୍ରାମ ଭିତରେ ଓ ଗାଁ ବାହାରେ ଚାଲିଥିବା ଏକାଧିକ ଚୋରା ମଦ ଭାଟିରେ ଚଢ଼ାଉ କରାଯାଇ ମଦ ଭାଟି ଭଙ୍ଗା ଯିବା ସହ ୧୫ ଶହ କେଜିରୁ କିଛି ଅଧିକ ମହୁଲି ପୋଚ ଜବତ କରାଯାଇ ନଷ୍ଟ କରାଯାଇଛି। ମଦରନ୍ଧାରେ ବ୍ୟବହୃତ ହାଣ୍ଡି ଡେକିଚି ଓ ଅନ୍ୟାନ୍ୟ ସରଞ୍ଜାମକୁ ଅବକାରୀ ବିଭାଗ ଜବତ କରିଛି । ଅବକାରୀ ବିଭାଗ ପକ୍ଷରୁ ଭ୍ରାମ୍ୟମାଣ ଅବକାରୀ ବିଭାଗ ଇନ୍ସପେକ୍ଟର ବେଣୁଧର ସାମଲ ଓ ପାଟଣା ଅବକାରୀ ଥାନା ଅଧିକାରୀ ଦିଲ୍ଲିପ କୁମାର ତାଣ୍ଡି ଚଢ଼ାଉର ନେତୃତ୍ବ ନେଇଥିଲେ ।
Popular Categories
Previous article
Next article