ତିରୁଅନନ୍ତପୁରମ୍ : କେରଳରେ ପ୍ରବଳ ବର୍ଷା ଯୋଗୁଁ ଜନଜୀବନ ପ୍ରଭାବିତ ହୋଇଛି । କୋଟାୟମ୍ ଜିଲ୍ଲାର ପ୍ଲାପାଲି ଠାରେ ଭୂସ୍ଖଳନ ହୋଇଛି । ଏହା ଯୋଗୁଁ ତିନୋଟି ଘର ଭାସିଯାଇଥିବା ବେଳେ ୮ ଜଣଙ୍କର ମୃତ୍ୟୁ ଘଟିଛି ଓ ୧୨ ଜଣ ଲୋକ ନିଖୋଜ ଅଛନ୍ତି । ସେଠାରେ ରିଲିଫ୍ ଓ ଉଦ୍ଧାର କାର୍ଯ୍ୟକୁ ଜୋରସୋରରେ ଆରମ୍ଭ ହୋଇଯାଇଛି ଏବଂ କର୍ତ୍ତୃପକ୍ଷ ବିମାନ ବାହିନୀର ସହାୟତା ଲୋଡ଼ିଛନ୍ତି । ଅଧିକାଂଶ ସ୍ଥାନ ବନ୍ୟାପ୍ଲାବିତ ହେବା ସହ ଯୋଗାଯୋଗ ବିଚ୍ଛିନ୍ନ ହୋଇ ରହିଛି । କେରଳରେ ଥିବା ଭାରତୀୟ ବିମାନ ବାହିନୀ ଓ ସେନାବାହିନୀର ଯବାନମାନେ ଜିଲ୍ଲା ପ୍ରଶାସନକୁ ଉଦ୍ଧାର କାର୍ଯ୍ୟରେ ସହାୟତା କରୁଛନ୍ତି । ଏମଆଇ-୧୭ ଓ ସାରଙ୍ଗ ହେଲିକପ୍ଟର ଗୁଡ଼ିକୁ ପ୍ରସ୍ତୁତ କରି ରଖାଯାଇଛି । ସର୍ଦ୍ଦନ୍ ଏୟାର୍ କମାଣ୍ଡର ସମସ୍ତ ଘାଟିରେ ସତର୍କତା ଜାରି କରିଛନ୍ତି ।
କେତେକ ଜିଲ୍ଲାରେ ପ୍ରବଳ ବର୍ଷା ଲାଗିରହିଥିବା ବେଳେ ୬ଟି ଜିଲ୍ଲା ପାଇଁ ରେଡ ଆଲର୍ଟ ଜାରି କରାଯାଇଛି।
