ଆଠଗଡ/ତିଗିରିଆ: କଟକ ଅବକାରୀ ଅଧିକ୍ଷକ କରୁଣା ଶଙ୍କର ତିୱାରୀଙ୍କ ନିର୍ଦେଶ କ୍ରମେ ଆଠଗଡ ଅଞ୍ଚଳରେ ଚୋରା ଦେଶୀ ମଦ କାରବାର ରୋକିବାକୁ ନିୟମିତ ଚଢାଉ କରାଯାଉଛି । ଏହି କ୍ରମରେ ଶୁକ୍ରବାର ଭିରୁଡାରୁ ଦେଶୀମଦ ଚାଲାଣ ହେଉଥିବା ବିଶ୍ବସ୍ତ ସୂତ୍ରରୁ ମିଳିଥିବା ସୂଚନା ଆଧାରରେ ଆଠଗଡ ଅବକାରୀ ଉପଅଧିକ୍ଷକ ନିମାଇଁ ଚରଣ ସିଂହଙ୍କ ନେତୃତ୍ବର ଅନ୍ୟ ଅଧିକାରୀ ତିଗିରିଆ ଥାନା ଅନ୍ତର୍ଗତ ନୂଆ ସଡକ ଛକଠାରେ ଛକି ରହିଥିଲେ । ଏହି ସମୟରେ ଭିରୁଡା ଆଡୁ ଆସୁଥିବା ଏକ ମାରୁତି କାରକୁ ଅବକାରୀ ଅଧିକାରୀ ଅଟକାଇ ଯାଞ୍ଚ କରିବା ସମୟରେ ସେଥିରେ ଚାଲାଣ ହେଉଥିବା ୫୬୦ ଲିଟର ମଦ ଜବତ କରିଥିଲେ । ଏଥିସହିତ କାରକୁ ଜବତ କରାଯିବା ସହ ଗାଡି ଚଳାଉଥିବା ଅଚଳକୋଟ ଗ୍ରାମର ରୁଦ୍ରଦେବ ସାହୁକୁ ଗିରଫ କରି କୋର୍ଟ ଚାଲାଣ କରାଯାଇଛି। ଏହି ଚଢାଉରେ ଆଠଗଡ ଅବକାରୀ ନିରୀକ୍ଷକ ହେମନ୍ତ ମହାନନ୍ଦିଆ ଓ ଉପନିରୀକ୍ଷକ ଅରୁଣ କୁମାର ଭୋଇଙ୍କ ସମେତ ଅନ୍ୟ କର୍ମଚାରୀ ଅଂଶଗ୍ରହଣ କରିଥିଲେ ।
Comments are closed.