ମୁମ୍ବଇ . – ବୃକ୍ଷ ରୋପଣ କର ମାଗଣାରେ ନିଶାପାନ ସହ ମାଗଣା ମଦ ବୋତଲ ମିଳିବ ପ୍ରସ୍ତାବ ଦେଇଥିବା ସରକାରୀ ଅଧିକାରୀଙ୍କୁ ମହାରାଷ୍ଟ୍ର ସରକାର ନିଲମ୍ବିତ କରିଛନ୍ତି । ସରକାରୀ ଅଧିକାରୀଜଣଙ୍କ ନିଜର ସହକର୍ମୀମାନଙ୍କୁ ଏହି ପ୍ରସ୍ତାବ ଦେଇଥିଲେ ।
ମହାରାଷ୍ଟ୍ର ନଗର ପୌରନିଗମର ସାନିଟାରୀ ଇନିସ୍ପେକ୍ଟର କିଶୋର ଦେଶମୁଖ ନିଜର ସହକର୍ମୀ ଓ ଅଧସ୍ଥନ କର୍ମଚାରୀମାନଙ୍କୁ ଏହି ପ୍ରସ୍ତାବ ଦେଇଥିଲ । ହ୍ୱାଟସ୍ଆପ୍ରେ ବି ଏହି ସନ୍ଦେଶ ପଠାଇଥିଲେ । ସମସ୍ତ ବିଭାଗର ପ୍ରମୁଖ କର୍ମଚାରୀମାନଙ୍କୁ ଏହି ସନ୍ଦେଶ ସେ ପଠାଇଥିଲେ । ମହାରାଷ୍ଟ୍ର ସରକାର ସମସ୍ତ ପୌରନିଗମଙ୍କୁ ବୃକ୍ଷ ରୋପଣ ପାଇଁ ନିର୍ଦେଶ ଦେଇଛନ୍ତି । ଏହି ମାମଲା ସାମ୍ନାକୁ ଆସିବା ପରେ ମହାରାଷ୍ଟ୍ର ସରକାର କିଶୋରଙ୍କୁ ନିଲମ୍ବିତ କରିଛନ୍ତି । ପ୍ରଶାସନକୁ ବୃକ୍ଷ ରୋପଣ ପାଇଁ ଲକ୍ଷ୍ୟ ଧାର୍ଯ୍ୟ କରାଯାଇଛି । ଏହି ଲକ୍ଷ୍ୟ ପୂରଣ ପାଇଁ କିଶୋର ଏପରି ପଦକ୍ଷେପ ଗ୍ରହଣ କରିଥିବା କଥା ସଫେଇ ଦେଇଛନ୍ତି ।
ଏହି ସନ୍ଦେଶ ମିଳିବା ପରେ କର୍ମଚାରୀମାନେ ବିରୋଧ କରିଥିଲେ । ପରେ ଏହି ନିଗମର କମିଶନର ଯାଞ୍ଚ ଆଦେଶ ଦେଇଥିଲେ । ଘଟଣାର ସତ୍ୟତା ଜଣାପଡିବା ପରେ ଦେଶମୁଖଙ୍କ ନିଲମ୍ବିତ କରାଯାଇଛି ।
Comments are closed.