ଗୌହାଟୀ: ଆସାମ ନାଗରିକତା ବିବାଦ ଉପରେ କବିତା ମାଧ୍ୟମରେ ସ୍ଵର ଉତ୍ତୋଳନ କରିଥିବା ୧୦ ଜଣ କବିଙ୍କ ବିରୁଦ୍ଧରେ ଆସାମ ପୁଲିସ ମାମଲା ରୁଜ୍ଜୁ କରିଛି। ସେମାନଙ୍କ ମଧ୍ୟରେ ଅଧିକାଂଶ ବେଙ୍ଗଲୀ ମୂଳ ମୁସଲିମ କବି ଓ କାର୍ଯ୍ୟକର୍ତ୍ତା ଥିବା ଜଣାପଡିଛି। ଆସାମର କିଛି ନିର୍ଦ୍ଦିଷ୍ଟ ଗୋଷ୍ଠୀର ଜନସାଧାରଣଙ୍କ ଅଭିଯୋଗ ପରେ ଏହି ମାମଲା ଦାୟର କରାଯାଇଛି।
କେନ୍ଦ୍ରୀୟ ଗୌହାଟୀ ପୁଲିସ ମୁଖ୍ୟ ଧର୍ମେନ୍ଦ୍ର କୁମାର ଦାସ କହିଛନ୍ତି, ଶୁକ୍ରବାର ଏକ ପ୍ରାଥମିକ ମାମଲା ରୁଜ୍ଜୁ ହୋଇଛି କିନ୍ତୁ କାହାକୁ ଗିରଫ କରାଯାଇ ନାହିଁ। ଭାରତୀୟ ପିଙ୍ଗଳ କୋଡ଼ ୪୨୦ ଏବଂ ୪୦୬ ଧାରା ଏବଂ କପି ରାଇଟ ନିୟମ ଅନୁଯାୟୀ ମାମଲା ଦାୟର ହୋଇଥିବା ସେ କହିଛନ୍ତି।
ଜଣେ ଅଭିଯୋଗକର୍ତ୍ତା କହିଛନ୍ତି ଯେ ଏଭଳି କବିତା ଦ୍ୱାରା ସାରା ବିଶ୍ୱରେ ଆସାମ ଲୋକମାନେ ଅନ୍ୟ ଲୋକଙ୍କୁ ଘୃଣା କରନ୍ତି ବୋଲି ବାର୍ତ୍ତା ଯାଉଛି। ଏହା ରାଷ୍ଟ୍ରୀୟ ସୁରକ୍ଷା ପ୍ରତି ବିପଦ ବୋଲି ସେ ଦର୍ଶାଇଛନ୍ତି। ତେବେ ପ୍ରକୃତ ନାଗରିକଙ୍କ ଉପରେ କବିତା ଲେଖିବା କଣ ଅଧିକ ନୁହେଁ କି ବୋଲି ଜଣେ କାର୍ଯ୍ୟକର୍ତ୍ତା ଅବଦୁଲ କାଲାମ ଆଜାଦ ଅଭିଯୋଗ କରିଛନ୍ତି।
