ବିଶ୍ୱର ସବୁଠାରୁ ଧନୀ ବ୍ୟକ୍ତି ଏଲନ୍ମସ୍କ । ଅପର୍ଯ୍ୟାପ୍ତ ଧନ । କୁବେର ଯେମିତି ଧନ ଅଜାଡି ଚାଲିଛନ୍ତି । ହେଲେ ସେ ବି ଦରିଦ୍ର ପରି ଚଳନ୍ତି ବୋଲି ତାଙ୍କ ବାନ୍ଧବୀ ଗ୍ରୀମସ୍ କହିଛନ୍ତି । ଗତ ଡିସେମ୍ବର ମାସରେ ଦୁଇଜଣଙ୍କର ଏକ କନ୍ୟା ସନ୍ତାନ ହୋଇଛି , ପୂର୍ବରୁ ସେମାନଙ୍କର ଏକ ପୁତ୍ର ସନ୍ତାନ ରହିଛି । ଯାହାର ନାମ ଏକ୍ସ ଏ ଆଇ ଆର୍କ ଆଂଜେଲ । ମାତ୍ର ପୂର୍ବରୁ ସେମାନ ଏ ବିଷୟ ସମସ୍ତଙ୍କ ଠାରୁ ଲୁଚାଇ ରଖିଥିଲେ । ବହୁ ଦିନ ଏକାଠି ରହିବା ପରେ ଦୁଇଜଣଙ୍କ ସମ୍ପର୍କରେ ଫାଟ ଆସିଥିଲା । ହେଲେ ପରସ୍ପରକୁ ଭେଟୁଥିବା ବେଳେ ଏବେ ସମ୍ପର୍କରେ ସୁଧାର ଆସିଥିବା ଏଲନ୍ ମସ୍କଙ୍କ ବାନ୍ଧବୀ ଗ୍ରୀମସ୍ କହିଛନ୍ତି । ଗ୍ରୀମସ୍ ପ୍ରସିଦ୍ଧ ପପ୍ ଗାୟିକା ।
ଏଲନ୍ ମସ୍କ ବିଶ୍ୱର ସବୁଠାରୁ ଧନୀ ବ୍ୟକ୍ତିର ମାନ୍ୟତା ପାଇଛନ୍ତି । ହେଲେ ବେଳେ ବେଳ ସେ ଧନୀ ନୁହେଁ ସାଧରଣ ବ୍ୟକ୍ତି କିମ୍ବା ଦରିଦ୍ର ପରି ମଧ୍ୟ ରହିବା ପାଇଁ ଭଲ ପାଆନ୍ତି ବୋଲି ଏକ ସାକ୍ଷାତକାରରେ ତାଙ୍କ ବାନ୍ଧବୀ ଗ୍ରୀମସ୍ କହିଛନ୍ତି । ସେମାନେ ଏକାଠି ରହୁଥିବେ ବେଳେ ଥରେ ତାଙ୍କ ପଲଙ୍କର ଗଦି ଛିଣ୍ଡି ଯାଇଥିଲା । ତାକୁ ବଦଳାଇବାକୁ କହିବାରୁ ଏଲନ୍ ମସ୍କ ରାଜି ହୋଇ ନଥିଲେ। କେବେଳ ଏତିକି ନୁହେଁ ସେ ବେଳେ ବେଳେ ଅତି ଶସ୍ତା ଘରେ ଆମେରିକାର ଅଳ୍ପ ଆୟ କରୁଥିବା ଲୋକଙ୍କ ଭିତରେ ବହୁ ଦିନ ରହୁଥିଲେ । ସେଠାରେ କୌଣସି ସୁରକ୍ଷା କର୍ମୀ ନଥିବା ବେଳେ ପଡୋଶୀମାନେ ସେମାନଙ୍କ ଭିଡିଓ ଉତ୍ତୋଳନ କରୁଥିବା ଗ୍ରୀମସ୍ କହିଛନ୍ତି ।
କିଛି ନୂଆ ଜିନିଷ କିଣିବା ପାଇଁ ଏଲନ୍ ମସ୍କ ସେତେ ଆଗ୍ରହ ଦେଖାନ୍ତି ନାହିଁ ବୋଲି ସେ କହିଛନ୍ତି । ୨୦୨୦ ମସିହାରେ ଏଲନ୍ ମସ୍କ ତାଙ୍କର ସମସ୍ତ ସ୍ଥାବର ସମ୍ପତ୍ତି ବିକ୍ରି କରିଦେବେ ବୋଲି ଟ୍ୱିଟ କରିଥିଲେ । ଏବେ ସେ ସ୍ପେସ୍ ଏକ୍ସ ଠାରୁ ଏକ ଛୋଟ ଘର ଭଡା ସୁତ୍ରରେ ନେଇ ସେଠାରେ ରହୁଛନ୍ତି । ସବୁଠାରୁ ଧନୀ ବ୍ୟକ୍ତିଙ୍କ ସହ ରହିଥିବା ବେଳେ ଦୁଇ ପ୍ରକାର ଅନୁଭୂତି ଭିତରେ ରହିବା ପାଇଁ ପଡୁଥିଲା ବୋଲି ଗ୍ରୀମସ୍ କହିଛନ୍ତି । ଏଲେନ୍ ସବୁବେଳେ ସାଧାରଣ ଭାବେ ଚଳିବାକୁ ଭଲ ପାଆନ୍ତି ବୋଲି ଗ୍ରୀମସ୍ କହିଛନ୍ତି ।
Comments are closed.