ରେଙ୍ଗାଲିକ୍ୟାମ୍ପ : ବରଗଡ ଅତାବିରା ବ୍ଳକ ମନାପଡା ଗାଁର ତଲିପଡାଠାରେ ଅଘଟଣ। ବିବାହ ଉତ୍ସବ ପାଇଁ ଟେଣ୍ଟ କାମ ଚାଲିଥିବାବେଳେ ବିଦ୍ୟୁତ୍ ତାର ସଂସ୍ପର୍ଶରେ ଆସି ଜଣେ ଶ୍ରମିକ ଗୁରୁତର ହୋଇଛନ୍ତି। ମୃତକ ଜଣକ ସୁରେଶ ନାଏକ ବୋଲି ଜଣାପଡିଛି। ତୁରନ୍ତ ତାଙ୍କୁ ଗୁରୁତର ଅବସ୍ଥାରେ ଉଦ୍ଧାର କରି ଅତାବିରା ମେଡିକାଲରେ ଭର୍ତ୍ତି କରାଯାଇଛି। ତାର ମୁଣ୍ଡ, ଡାହାଣ ଗୋଡ଼ ଓ ମୁହଁରେ ଆଘାତ ଲାଗିଛି। ସ୍ଥାନୀୟ ଲୋକଙ୍କ କହିବାନୁଯାୟୀ ଦୀର୍ଘ ଦିନ ହେଲା ଏହି ବିପଦ ସଂଙ୍କୁଳ ୧୧ କେଭି ତାର ଝୁଲି ରହିଛି।ଏହାକୁ ଉପରକୁ ଉଠାଇବା ସହ ମରାମତି କରିବା ପାଇଁ ପଡାବାସୀ ବାରମ୍ବାର ଦାବି କରୁଛନ୍ତି। ହେଲେ ବିଦ୍ୟୁତ୍ ବିଭାଗ ପକ୍ଷରୁ କୌଣସି ଠୋସ ପଦକ୍ଷେପ ନିଆଯାଇନାହିଁ। ଘଟଣାକୁ ନେଇ ସାଧାରଣରେ ତୀବ୍ର ଅସନ୍ତୋଷ ପ୍ରକାଶ ପାଇଛି।
Popular Categories
Previous article
Next article