ଝୁମ୍ପୁରା : ଝୁମ୍ପୁରା ବ୍ଲକର ବଡ଼ଡୁମୁରିଆ ଏବଂ ଖୁଣ୍ଟାପଡା ପଞ୍ଚାୟତରେ ବିଜୁ ଜନତା ଦଳର କର୍ମୀ ସମ୍ମିଳନୀ ସୋମବାର ଦିନ ଅନୁଷ୍ଠିତ ହୋଇଯାଇଛି। ଝୁମ୍ପୁରା ବ୍ଲକ ବିଜୁ ଯୁବ ଜନତା ଦଳର ଉପ ସଭାପତି ଟୁନା ବାରିକଙ୍କ ପ୍ରତ୍ୟକ୍ଷ ତ୍ୱତ୍ତାବଧାନରେ ଅନୁଷ୍ଠିତ ଏହି କର୍ମୀ ସମ୍ମିଳନିରେ ଜିଲା ସଭାପତି ମାଧବ ସର୍ଦ୍ଦାର, ସାଂସଦ ଚନ୍ଦ୍ରାଣୀ ମୁର୍ମୁ, ପାଟଣା ବିଧାୟକ ତଥା ଜିଲା ଯୋଜନା ବୋର୍ଡ ଅଧ୍ୟକ୍ଷ ଜଗନ୍ନାଥ ନାୟକ, ୧୭ ନମ୍ବର ଜୋନର ଜିଲାପରିଷଦ ପ୍ରାର୍ଥିନୀ ସୋମବାରୀ ମୁର୍ମୁ ପ୍ରମୁଖ ଯୋଗଦାନ କରିଥିଲେ। ଏହି କର୍ମୀ ସମ୍ମିଳନୀରେ ଯୋଗଦାନ କରିଥିବା କର୍ମକର୍ତ୍ତା ମାନେ ତାଙ୍କ ବକ୍ତବ୍ୟରେ କହିଲେ ଆଉ ଦିନ କେଇଟା ପରେ ତ୍ରିସ୍ତରୀୟ ପଞ୍ଚାୟତ ନିର୍ବାଚନ ଅନୁଷ୍ଠିତ ହେବାକୁ ଯାଉଛି। ଚଳିତ ନିର୍ବାଚନରେ ପ୍ରତି ଜୋନରୁ ଜିଲାପରିଷଦ ପ୍ରାର୍ଥି ଭାବେ ଠିଆ ହୋଇଥିବା ବିଜେଡି କର୍ମୀଙ୍କୁ ଜିତାଇବା । ଦଳର କର୍ମୀ ମାନଙ୍କ ମଧ୍ୟରେ ରହିଥିବା ମତ ମନାନ୍ତରକୁ ଦୂର କରି ସମସ୍ତ ବିଜେଡି କର୍ମୀ ଏକତ୍ରୀତ ହୋଇ କାର୍ଯ୍ୟ କରିବା ପାଇଁ ପରାମର୍ଶ ଦେଇଥିଲେ। ଦୁଇ ପଞ୍ଚାୟତରେ ଅନୁଷ୍ଠିତ ହୋଇଥିବା କର୍ମୀ ସମ୍ମିଳନିକୁ ବିଜୁ ଜନତା ଦଳର ସକ୍ରିୟ ସଦସ୍ୟ ମାନେ ପରିଚାଳନା କରିଥିବା ଦେଖିବାକୁ ମିଳିଥିଲା।
Comments are closed.