ଗଞ୍ଜାମ: ଗଞ୍ଜାମ ବ୍ଲକ ଅନ୍ତର୍ଗତ କାଇଞ୍ଚପୁର ପଂଚାୟତର ଝାଡ଼କୁଦା ଗ୍ରାମର ଚାଷୀଙ୍କ ଅମଳ ଧାନ ମଣ୍ଡି ନେଉନଥିବା ଯୋଗୁଁ ସେମାନଙ୍କ ମଧ୍ୟରେ ଘୋର ଅସନ୍ତୋଷ ଦେଖାଦେଇଛି। ଏନେଇ ସୋମବାର ଚାଷୀମାନେ ବ୍ଲକ ଯୋଗାଣ ଅଧିକାରୀଙ୍କୁ ଅଭିଯୋଗ କରିଛନ୍ତି। ଦୀର୍ଘ ସମୟ ଆଲୋଚନା ପରେ ଆସନ୍ତାକାଲି ଧାନ ନିଆଯିବ ବୋଲି ଯୋଗାଣ ଅଧିକାରୀ ଚାଷୀଙ୍କୁ ପ୍ରତିଶୃତି ଦେଇଥିଲେ।
ସୂଚନାଯୋଗ୍ୟ ଯେ, ଉକ୍ତ ଗ୍ରାମରେ ଗତ ଜାନୁୟାରୀ ମାସ ୨୬ ତାରିଖରୁ ୭୦ ଜଣ ଚାଷୀଙ୍କୁ ଟୋକେନ୍ ମିଳିଥିବା ବେଳେ ଆସନ୍ତା ୧୭ ତାରିଖରେ ମଣ୍ଡିରେ ଧାନ ବିକ୍ରି ଅରିବାର ଅବଧି ଶେଷ ହୋଇଯାଉଛି। ସେଥି ମଧ୍ୟରୁ ୭ଟି ଟୋକେନରୁ ହିଁ ମିଲର ଆସି ଧାନ ଉଠାଇଥିବା ଜଣାପଡ଼ିଛି। ଗ୍ରାମରେ ପ୍ରାୟ ୯୫ ପ୍ରତିଶତ ଚାଷୀ ରହିଥିବା ବେଳେ ଚାଷୀମାନଙ୍କ ନିକଟରେ ଆହୁରି ୩ ହଜାର ଧାନ ବସ୍ତା ମହଜୁଦ ରହିଛି। ଗତ ବର୍ଷ ଚାଷୀଙ୍କର ୪୫ଟି ଟୋକେନ୍ ଅବଧି ଶେଷ ହୋଇଯାଇଥିବାରୁ ଚାଷୀ ଧାନ ବିକ୍ରି କରିପାରି ନ ଥିଲେ। ଯାହାକୁ ନେଇ ଚଳିତ ବର୍ଷ ଚାଷୀମାନଙ୍କ ମଧ୍ୟରେ ଘୋର ଉଦବେଗ ପ୍ରକାଶ ପାଇଛି। ଏହି ଆଲୋଚନା ବେଳେ ସରପଞ୍ଚ ଜି ସନ୍ତୋଷ ରେଡି, ପୂର୍ବତନ ବ୍ଲକ ଉପାଧ୍ୟକ୍ଷ ଆର ଭାଗ୍ୟ ରେଡି, କେ ରଜନୀ କାନ୍ତ ରେଡି, ଏ.ତାରକେସ ରେଡି, କେ.ଡମ୍ବରୁ ପ୍ରଧାନ, କେ.ପୁରସ୍ତମ ରେଡି, କେ.କ୍ରୀଷ୍ଣା ରେଡି, କେ.ରାମା ରାଓ, ଜି. ଜଗନ୍ନାଥ ରେଡି, ପି.ଚନ୍ଦ୍ର ରେଡି, କେ.ଗୋବିନ୍ଦ ରେଡି ପ୍ରମୁଖଙ୍କ ସମେତ ଗ୍ରାମର ବହୁ ସଂଖ୍ୟକ ଲୋକ ଏମଆଇଙ୍କ ନିକଟରେ ଅଭିଯୋଗ କରିଥିଲେ।
