ଜମ୍ମୁକାଶ୍ମୀର: ଭୂମିକମ୍ପରେ ଥରିଲା ଜମ୍ମୁକାଶ୍ମୀର । କଟରାରେ ଭୂମିକମ୍ପ ଅନୁଭୂତ ହୋଇଛି । ରିକ୍ଟର ସ୍କେଲରେ ଭୂମିକମ୍ପର ତୀବ୍ରତା ୩.୫ ରହିଥିବା ଜଣାପଡ଼ିଛି । ତେବେ ଭୂମିକମ୍ପରେ କୌଣସି କ୍ଷୟକ୍ଷତି ହୋଇଥିବା ସୂଚନା ମିଳିନାହିଁ । ସୂଚନା ମୁତାବକ, ଆଜି ସକାଳ ୩.୦୨ ରେ କଟରାର ପୂର୍ବରେ ଭୂମିକମ୍ପ ହୋଇଛି । ଭୂକମ୍ପ ହେବା ଜାଣିବା ପରେ ଲୋକମାନେ ଘରୁ ବାହାରକୁ ଚାଲି ଆସିଥିଲେ। ଫଳରେ ଭୂକମ୍ପ ଦ୍ୱାରା କୌଣସି କ୍ଷତି ହୋଇନଥିବା ଅନୁମାନ କରାଯାଉଛି । ଏହା ପୂର୍ବରୁ ବୁଧବାର ଦିନ ଭୂକମ୍ପ ଅନୁଭୂତ ହୋଇଥିଲା ।
ବୁଧବାର ଦିନ ଏହାର କେନ୍ଦ୍ର ପାହଲଗାମର ଦକ୍ଷିଣ-ଦକ୍ଷିଣ-ପଶ୍ଚିମ ଦିଗରେ ୧୫ କିଲୋମିଟର ଅଞ୍ଚଳରେ ଥିଲା । ବୁଧବାର ଦିନ ଭୂକମ୍ପର ତୀବ୍ରତା ୩.୨ ରହିଥିବା କୁହାଯାଇଥିଲା । ଫେବ୍ରୁଆରୀ ୧୦ରେ ମଧ୍ୟ ଗୁଲମର୍ଗରେ ଭୂକମ୍ପ ଅନୁଭୂତ ହୋଇଥିଲା । ଗୁଲମର୍ଗରେ ଭୂକମ୍ପର ତୀବ୍ରତା ୩.୮ ବୋଲି ମାପ କରାଯାଇଥିଲା ।
