ଖାଦ୍ୟ ବିଶେଷଜ୍ଞଙ୍କ ମତରେ ପ୍ରତିଦିନ ଜଳଖିଆ ପେଟପୂରା କରିବା ଉଚିତ। ଏହା ଦ୍ବାରା ଦିନମାନ ଆମ ଶରୀରକୁ ଶକ୍ତି ମିଳିଥାଏ। ଜଳଖିଆରେ ଯେ କୌଣସି ବ୍ୟଞ୍ଜନ ଖାଇଲେ, ତାହା ଶୀଘ୍ର ହଜମ ମଧ୍ୟ ହେଉଥିବାର ବିଶେଷଜ୍ଞ ପ୍ରକାଶ କରିଛନ୍ତି।
୧- ଜଳଖିଆରେ କେହିକେହି ଦକ୍ଷିଣ ଭାରତୀୟ ଖାଦ୍ୟ ଦୋସା, ଇଡ୍ଲି ତ’ ଅନ୍ୟମାନେ ପୁରୀ-ତରକାରି ଖାଇବାକୁ ପସନ୍ଦ କରୁଥିବାର ଦେଖାଯାଏ। ସକାଳବେଳା ଖାଇବା ସମୟରେ ଅଳ୍ପ ପରିମାଣର ଡ୍ରାଏଫ୍ରୁଟସ୍ ସାମିଲ କରାଇବା ସ୍ବାସ୍ଥ୍ୟ ପାଇଁ ହିତକାରୀ।
୨- ପେସ୍ତାବାଦାମ, କିସ୍ମିସ୍କୁ ପାଣିରେ ବତୁରାଇ ରାତିରୁ ରଖିଦଅନ୍ତୁ। ଜଳଖିଆରେ ଏସବୁ ଖାଇପାରିବେ। ତ୍ବଚା, କେଶକୁ ଉତ୍ତମ ପୋଷକତତ୍ତ୍ବ ଯୋଗାଉଥିବା ଏସବୁ ଡ୍ରାଏଫ୍ରୁଟ୍ସ ଶରୀରକୁ ମଧ୍ୟ ଶକ୍ତି ଯୋଗାଇଥାଏ।
୩- ଦାନ୍ତ, ହାଡ଼କୁ ମଜଭୁତ୍ କରୁଥିବା ଏହି ଡ୍ରାଏଫ୍ରୁଟ୍ସ୍ ସ୍ମୃତି ଶକ୍ତି ବୃଦ୍ଧିରେ ମଧ୍ୟ ସହାୟକ। ଦୃଷ୍ଟି ଶକ୍ତି ବୃଦ୍ଧି ନିମନ୍ତେ ଦୈନିକ ୧୦-୧୨ଟି କଳା କିଶ୍ମିଶ୍ ଖାଇବା ହିତକାରୀ।
୪- ଭିଟାମିନ୍ ‘ଇ’ ଭରପୂର ପେସ୍ତାବାଦାମ ଖାଇଲେ କୋଲେଷ୍ଟରଲ୍ ସ୍ତର କମ୍ ହେବା ସହ ଓଜନକୁ ମଧ୍ୟ ନିୟନ୍ତ୍ରଣରେ ରଖେ। ପ୍ରୋଟିନ୍, ଫାଇବର୍, ମାଙ୍ଗାନିଜ୍ ଓ ଅନ୍ୟାନ୍ୟ ତତ୍ତ୍ବ ଭରପୂର ଡ୍ରାଏଫ୍ରୁଟସ୍ ଖାଇଲେ ଶରୀରରେ କର୍କଟପ୍ରତିରୋଧୀ ଶକ୍ତି ବୃଦ୍ଧି ପାଇଥାଏ।
୫- ଶରୀରର ରୋଗପ୍ରତିରୋଧକ ବୃଦ୍ଧି କରିବାରେ ଏଇ ଡ୍ରାଏଫ୍ରୁଟସ୍ର ଭୂମିକା ବେଶ୍ ଗୁରୁତ୍ବପୂର୍ଣ୍ଣ। ଏଣୁ ନିୟମିତ ଭାବେ ଏସବୁ ଖାଇବା ସ୍ବାସ୍ଥ୍ୟ ପାଇଁ ଭଲ।
