ପୁରୀ : ପୁରୀ ଶ୍ରୀମନ୍ଦିର ଉପରେ ଡ୍ରୋନ କ୍ୟାମେରା ଉଡାଇବା ଅଭିଯୋଗରେ ସିଂହଦ୍ୱାର ପୁଲିସ ଶୁକ୍ରବାର ୮ ଜଣ ବଙ୍ଗୀୟ ପର୍ଯ୍ୟଟକଙ୍କୁ ଅଟକ ରଖିଥିଲା। ପଚରାଉଚରା ପରେ ସନ୍ଧ୍ୟାବେଳେ ସେମାନଙ୍କୁ ଛାଡିଦିଆଯାଇଥିବା ସୂଚନା ମିଳିଛି। ଏକ କ୍ଷୁଦ୍ର ଚଳଚ୍ଚିତ୍ର ନିର୍ମାଣ ପାଇଁ ସେମାନେ ନିକଟସ୍ଥ ଏମାର ମଠରୁ ଡ୍ରୋନ କ୍ୟାମେରା ଉଠାଉଥିଲେ। ଡ୍ରୋନ ଦେଖିବାପରେ ସିଂହଦ୍ୱାର ପୁଲିସ ଏମାର ମଠର ଛାତରେ ପହଞ୍ଚି ସେମାନଙ୍କୁ କାବୁ କରି ନେଇଥିଲେ।
ଉଲ୍ଲେଖଯୋଗ୍ୟ ଯେ ଏହା ପୂର୍ବରୁ ୨୦୧୪ ଏବଂ ୨୦୧୬ରେ ଡ୍ରୋନ କ୍ୟାମେରା ଯୋଗେ ଶ୍ରୀମନ୍ଦିରର ଫୋଟୋ ଓ ଭିଡିଓ ଉତ୍ତୋଳନ କରାଯାଇଥିଲା। ସେହି ଭିଡିଓ ଓ ଫୋଟୋ ୟୁଟ୍ୟୁବ ସମେତ ଫେସବୁକ ଓ ଅନାନ୍ୟ ସାମାଜିକ ଗଣମାଧ୍ୟମରେ ଅପଲୋଡ କରାଯାଇଥିଲା। ତାହା ଭାଇରାଲ ହେବା ପରେ ଶ୍ରୀମନ୍ଦିର ପ୍ରଶାସନ ରାଜ୍ୟ ସରକାରଙ୍କ ଦୃଷ୍ଟି ଆକର୍ଷଣ କରିଥିଲେ। ଶ୍ରୀମନ୍ଦିର ଅଞ୍ଚଳକୁ ନୋ ଫାଇଂ ଜୋନ ଘୋଷଣା କରାଯିବା ସହ ୨୪/୭ ପୁଲିସ ପାଟ୍ରୋଲିଂ ବ୍ୟବସ୍ଥା ଗ୍ରହଣ କରାଯାଇଥିଲା। ଏହା ପରେ ବି ଶ୍ରୀମନ୍ଦିର ଉପରେ ପୁଣି ଡ୍ରୋନ ଉଡିଛି।
ଶ୍ରୀମନ୍ଦିର ଉପରେ ଡ୍ରୋନ ଉଡାଇ ୮ ଅଟକ
Popular Categories
Previous article
Next article