କଟକ: ପୁରୀ ସ୍ବର୍ଗଦ୍ବାରରେ ହେବ ଡାକ୍ତର ଭୁବନାନନ୍ଦ ମହାରଣାଙ୍କ ଅନ୍ତିମ ସଂସ୍କାର । ତାଙ୍କ ପାର୍ଥୀବ ଶରୀରକୁ କଟକ ବାସଭବନରୁ ଏସସିବି ମେଡିକାଲକୁ ନିଆଯିବ। କାରଣ ୫୦ ବର୍ଷ ଧରି ସେ ଏସସିବି ସହ ଜଡିତ ଥିଲେ । ଏଇଠି ଡାକ୍ତରୀ ପାଠପଢା ଆଉ ଏଇଠି ହିଁ ଚାକିରି । ଏସସିବି ମାଟି ଗୋଡି ବି ତାଙ୍କୁ ଚିହ୍ନିଥିଲେ ବି କହିଲେ କିଛି ଭୁଲ ହେବନି। ଏସସିବି ସହ ତାଙ୍କର ଏକ ଭାବଗତ ସମ୍ପର୍କ ଥିଲା। ଏସସିବିରେ ସହକର୍ମୀ ଏବଂ ଶୁଭେଚ୍ଛୁମାନେ ଶେଷ ଦର୍ଶନ କରିବା ପରେ ପୁରୀ ସ୍ବର୍ଗଦ୍ବାର ନିଆଯାଇ ସେଠାରେ ଅନ୍ତିମ ସଂସ୍କାର କରାଯିବ ବୋଲି ସୂଚନା ମିଳିଛି। ମସ୍ତିସ୍କ ଆଘାତରେ ପୀଡିତ ହେବା ପରେ ଏସସିବି ନ୍ୟୁରୋ ସର୍ଜରୀ ବିଭାଗରେ ଚିକିତ୍ସାଧୀନ ଅବସ୍ଥାରେ ତାଙ୍କର ବିୟୋଗ ହୋଇଛି। ୧୯୭୩ ମସିହାରେ ଏମବିଏସ୍ ଛାତ୍ର ଭାବରେ ସେ ଏସସିବି ମେଡିକାଲ କଲେଜରେ ଯୋଗଦେଇଥିଲେ। ଏବଂ ୧୯୮୩ ରେ ଏସସିବି ମେଡିକାଲରୁ ପିଜି ପାସ୍ କରି ସେହିଠାରେ ଆଶୁ ଚିକିତ୍ସା ଅଧିକାରୀ ଭାବରେ କାର୍ଯ୍ୟ ଆରମ୍ଭ କରିଥିଲେ । ପରେ ଏସସିବିର ଜରୁରୀ କାଳୀନ ଅଧିକାରୀ ବନିଯାଇଥିଲେ।
Popular Categories
Previous article
Next article