ନୂଆଦିଲ୍ଲୀ: ୫୧ବର୍ଷର ଜଣେ ବ୍ୟକ୍ତି ପାଳି ଥିବା କୁକୁର ସହ ଖେଳିବା ମହଙ୍ଗା ପଡ଼ିଛି। ଏଥିପାଇଁ ତାଙ୍କ ଡାକ୍ତରଖାନାରେ ଭର୍ତ୍ତି ହେବାକୁ ପଡ଼ିଛି। ଘଟଣା ଆମେରିକାରେ ଘଟିଛି। କୁକୁର ଦ୍ୱାରା ଗୁଳିଚାଲଣାରେ ଜଣେ ବ୍ୟକ୍ତି ଆହତ ହୋଇଥିବା ଅଭିଯୋଗ ହୋଇଛି। ଆୟୋବା ଅଞ୍ଚଳରେ ଏହି ବ୍ୟକ୍ତି ଜଣକ ୯୧୧ନମ୍ବରରେ କଲ କରି ତାଙ୍କ ପାଳିତ କୁକୁର ଗୁଳି ମାରିଥିବା ଖବର ଦେଇଥିଲେ। ରିଚର୍ଡ ରେମେ ନାମକ ଏହି ବ୍ୟକ୍ତିଜଣକ ନିଜ କୁକୁର ସହ ଖେଳୁଥିଲେ। କୋଳରେ କୁକୁରକୁ ରଖି ଖେଳୁଥିବାବେଳେ ତାଙ୍କ ଅଣ୍ଟାରେ ଥିବା ବନ୍ଧୁକର ସେଫ୍ଟି କ୍ଲିପ୍ ଖୋଲି ଯାଇଥିଲା। ଏ ସମ୍ପର୍କରେ ରିଚର୍ଡ଼ ଜାଣି ପରି ନଥିଲେ। କୁକୁର ସହ ଖେଳୁଖେଳୁ ପୁଣି ଥରେ ଯେତେବେଳେ କୁକୁର ରିଚର୍ଡ଼ଙ୍କ କୋଳକୁ ଡିଆଁ ମାରିଥିଲା ବନ୍ଧୁକର ଟ୍ରିଗରରେ କୁକୁରରଗୋଡ଼ ବାଜି ଗୁଳି ବାହାରି ଯାଇ ତାଙ୍କ ଗୋଡ଼ରେ ଲାଗିଥିଲା। ସ୍ଥାନୀୟ ଅଞ୍ଚଳର ପୁଲିସ ଅଧିକାରୀ ରୋଜର ପୋଟରଙ୍କ କହିବା ଅନୁଯାୟୀ ଏଭଳି ଘଟଣା ଆମେରିକାରେ ପ୍ରଥମ ଥର ଘଟିଛି।
