ଅତାବିରାରେ ଜିଲ୍ଲାପାଳଙ୍କ ଜନଶୁଣାଣୀ କାର୍ଯ୍ୟକ୍ରମ ଅନୁଷ୍ଠିତ

ରେଙ୍ଗାଲିକ୍ୟାମ୍ପ – ଅତାବିରାରେ ଜିଲ୍ଲାପାଳ ମନୀଷା ବାନାର୍ଜୀଙ୍କ ଉପସ୍ଥିତିରେ ଜନଶୁଣାଣୀ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ବ୍ଲକ ଅଧ୍ୟକ୍ଷା ଗୀତାଞ୍ଜଳୀ ନାୟକ ଏହାର ପରିଚାଳନା କରିଥିଲେ । ଏଥିରେ ୮୮ ଜଣ ବ୍ୟକ୍ତିଙ୍କର ବିଭିନ୍ନ ସମସ୍ୟାର ସମାଧାନ କରାଯାଇଥିଲା । ହୀରାକୁଦ ବିସ୍ଥାପିତଙ୍କୁ ଥଇଥାନ ସହ ସରକାରୀ ସହାୟତା ଯୋଗାଇ ଦେବା , ତାଲିମ ପାଇଁ କୋରାପୁଟ ଯିବା ପାଇଁ ବସ୍‌ ପାଇଁ ଅପେକ୍ଷା କରିଥିବା ଅଙ୍ଗନବାଡି କର୍ମୀ ଦୁର୍ଘଟଣାରେ ଆହତ ହୋଇଥିଲେ ଏବଂ ଜଣଙ୍କର ମୃତ୍ୟୁ ହୋଇଥିଲା , ଏମାନଙ୍କୁ ତୁରନ୍ତ ଆର୍ଥିକ ସହାୟତା ଯୋଗାଇ ଦେବା ପାଇଁ ଜିଲ୍ଲାପାଳ ନିର୍ଦେଶ ଦେଇଥିଲେ ।

ଏହା ସହ କ୍ଷତିଗ୍ରସ୍ତ ଚାଷୀଙ୍କୁ ସହାୟତା ଯୋଗାଣ, ଧାନବିକ୍ରୀର ସମୟ ବୃଦ୍ଧି ପାଇଁ ଜିଲ୍ଲାପାଳଙ୍କ ନିକଟରେ ଚାଷୀମାନେ ଦାବି ରଖିଥିଲେ । ଏହି ଶୁଣାଣୀରେ ଅନେକଙ୍କ ସମସ୍ୟାର ସମାଧାନ ହୋଇଥିଲା । ଏଥିରେ ଜିଲ୍ଲା ତଥା ବ୍ଲକର ବରିଷ୍ଠ ସରକାରୀ ଅଧିକାରୀ ଉପସ୍ଥିତ ରହିଥିଲେ ।

Comments are closed.