ଗୁରୁଡିଝାଟିଆ : ମାଟ୍ରିକ ପରୀକ୍ଷାରେ କୃତୀତ୍ୱର ସହିତ ସଫଳତା ଅର୍ଜନ କରିଥିବା ବିଦ୍ୟାର୍ଥୀ ଆମ ଦେଶ ଓ ଜାତିର ଭବିଷ୍ୟତ ।ସେମାନଙ୍କୁ ସମସ୍ତ ପ୍ରକାର ସହଯୋଗ ଯୋଗାଇଦେଇ ଉଚ୍ଚତର ସୋପାନକୁ ନେଇ ଦେଶ ଗଠନରେ ବିନିଯୋଗ କରିବା ଆମ ସମସ୍ତଙ୍କ କର୍ତ୍ତବ୍ୟ ବୋଲି ଆଠଗଡ ବ୍ଲକ ଧୁରୁଷିଆ ପଞ୍ଚାୟତ ଉଚ୍ଚ ବିଦ୍ୟାଳୟ କୃତୀ ବିଦ୍ୟାର୍ଥୀର୍ମାନଙ୍କୁ ସମ୍ବର୍ଦ୍ଧନା କରି ଯୁବନେତା ଆଦିତ୍ୟ ପ୍ରତାପ ସ୍ୱାଇଁ ଏହି ମତପ୍ରକାଶ କରିଥିଲେ। ବିଦ୍ୟାଳୟ ପରିଚାଳନା କମିଟି ସଭାପତି ଶ୍ରୀକର ଜେନାଙ୍କ ପୌରହିତ୍ୟରେ ଅନୁଷ୍ଠିତ ଏହି ଉତ୍ସବରେ ଜିଲ୍ଲା ପରିଷଦ ସଦସ୍ୟ ବଳଭଦ୍ର ବାଘ, ସରପଞ୍ଚ ସଂଯୁକ୍ତା ପାଣି, ସମିତିସଭ୍ୟା ମିନତୀ ଜେନା, ବିଦ୍ୟାଳୟ ପ୍ରଧାନଶିକ୍ଷକ ବୈକୁଣ୍ଠ ନାଥ ବିଶ୍ୱାଳ, ଯୁବନେତା ନିରାକାର ଲେଙ୍କା, ବ୍ରହ୍ମାନନ୍ଦ ବିଶ୍ୱାଳ, ହରିବନ୍ଧୁ ପଣ୍ଡା, ସରୋଜ ଲେଙ୍କା, ଅନ୍ତର୍ଯ୍ୟାମୀ ବେହେରା ପ୍ରମୁଖ ଯୋଗଦେଇ ୩୧ଜଣ କୃତୀ ବିଦ୍ୟାର୍ଥୀଙ୍କୁ ସମ୍ବର୍ଦ୍ଧିତ କରିଥିଲେ।
Comments are closed.