ଢେଙ୍କାନାଳ : ଢେଙ୍କାନାଳର ଆନନ୍ଦନଗର ନିକଟରେ ୫୫ ନମ୍ବର ଜାତୀୟ ରାଜପଥରେ ମଙ୍ଗଳବାର ମର୍ମନ୍ତୁଦ ସଡକ ଦୁର୍ଘଟଣା ଘଟିଛି । ବାଇକ୍କୁ ପିଟିଛି ତେଲ ଟ୍ୟାଙ୍କର । ବାଇକ୍ରେ ଦମ୍ପତି ସେମାନଙ୍କ ଶିଶୁ ସହ ଯାଉଥିବା ବେଳେ ତେଲ ଟ୍ୟାଙ୍କର ଧକ୍କା ଦେଇଛି । ଘଟଣାସ୍ଥଳରେ ସ୍ତ୍ରୀଙ୍କ ମୃତ୍ୟୁ ହୋଇଥିବା ବେଳେ ସ୍ୱାମୀ ଗୁରୁତର ହୋଇଛନ୍ତି । ଅଳ୍ପକେ ବର୍ତ୍ତି ଯାଇଛି ଦେଢ ବର୍ଷର ଶିଶୁ । ଗୁରୁତର ସ୍ୱାମୀଙ୍କୁ ଢେଙ୍କାନାଳ ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଛି । ଖବର ପାଇ ପୁଲିସ ଘଟଣାସ୍ଥଳରେ ପହଞ୍ଚି ଟ୍ୟାଙ୍କର ଚାଳକକୁ ଅଟକ ରଖି ତଦନ୍ତ କରୁଛି । କ୍ଷତିପୂରଣ ଦାବିରେ ସ୍ଥାନୀୟ ଲୋକେ ରାସ୍ତାରୋକ କରିଛନ୍ତି ବୋଲି ସୂଚନା ମିଳିଛି ।
https://samajalive.in/woman-husband-video/660718.html
