କାମାକ୍ଷାନଗର: ଢେଙ୍କାନାଳ ଜିଲା କାମାକ୍ଷାନଗର ୫୩ ନମ୍ବର ଜାତୀୟ ରାଜପଥ ର ବାଇସିଙ୍ଗା ପଞ୍ଚାୟତର ମାଳପୁରା ଠାରେ ଘଟିଛି ମର୍ମନ୍ତୁଦ ସଡ଼କ ଦୁର୍ଘଟଣା । ଦୁର୍ଘଟଣାରେ ୪ ଜଣଙ୍କ ଜୀବନ ଚାଲିଯାଇଛି। ଆନନ୍ଦପୁର ଅଞ୍ଚଳ ର ଭାବଗ୍ରାହୀ କାରୁଆ ତାଙ୍କ ପତ୍ନୀ ଜାନକୀ ଝିଆରୀ ନାଣ୍ଡି, ଝିଅ ଗୀତାଞ୍ଜଳୀକୁ ଏକ ବାଇକ ଯୋଗେ କାମାକ୍ଷାନଗର ଆସୁଥିଲେ। ମାଳପୂରା ନିକଟସ୍ଥ ଜାତୀୟ ରାଜପଥ ଓଭରବ୍ରିଜରେ ଏକ ଟ୍ରକ ବାଇକକୁ ଧକ୍କା ଦେଇଥିଲା । ଟ୍ରକ ଟି ଏଭଳି ଧକ୍କା ଦେଇଥିଲା ଯେ ବାଇକ କୁ ଖଣ୍ଡେ ଦୂର ପର୍ଯ୍ୟନ୍ତ ଘୋଷାରି ନେଇଥିଲା । ଫଳରେ ଘଟଣା ସ୍ଥଳରେ ଭାବଗ୍ରାହୀଙ୍କ ସମେତ ଝିଆରି ନାଣ୍ଡି ଓ ଝିଅର ମୃତ୍ୟୁ ହୋଇଥିବା ବେଳେ ସ୍ତ୍ରୀ ଜାନକୀ ଙ୍କୁ ଗୁରୁତର ଅବସ୍ଥା ରେ ପ୍ରଥମେ କାମାକ୍ଷାନଗର ଉପଖଣ୍ଡ ଚିକିତ୍ସାଳୟ ଓ ପରେ ଢେଙ୍କାନାଳ ଜିଲ୍ଲା ମୁଖ୍ୟ ଚିକିତ୍ସାଳୟ ରେ ଭର୍ତ୍ତି କରାଯାଇଥିଲା । କିନ୍ତୁ ସେଠାରେ ଜାନକୀ ଙ୍କ ମୃତ୍ୟୁ ହୋଇଥିଲା ।
ଖବର ପାଇ ପରିବାର ଲୋକ କାମାକ୍ଷାନଗର ମେଡିକାଲରେ ପହଞ୍ଚିଥିଲେ । ପୁଲିସ ଘଟଣାସ୍ଥଳରେ ପହଞ୍ଚି ପରିସ୍ଥିତି ଅନୁଧ୍ୟାନ କରିଵା ପରେ ମୃତଦେହକୁ ଜବତ କରି ବ୍ୟବଛେଦର ବ୍ୟବସ୍ଥା କରି ତଦନ୍ତ ଆରମ୍ଭ କରିଛି l ଦୂର୍ଘଟଣା ଘଟାଇ ଥିବା ଟ୍ରକର କୈାଣସି ସନ୍ଧାନ ମିଳିପାରି ନାହିଁ।ଦୃତଗତିରେ ଟ୍ରକଟି ଆସୁଥିବାରୁ ଦୂର୍ଘଟଣା ଘଟିଥିବା ଜଣାପଡିଛି।ଦୂର୍ଘଟଣା ପରେ ସ୍ଥାନିୟ ଅଞ୍ଚଳରେ ବହୁ ଜନସମାବେଶ ଘଟିଥିବା ବେଳେ ଏକ ଶୋକାକୁଳ ପରିସ୍ଥିତ ସୃଷ୍ଟି ହୋଇଥିଲା । ଗୋଟିଏ ପରିବାରର ୩ ଜଣଙ୍କ ଜିବନ ଦିପ ଲିଭିଯାଇଛି। ହସଖୁସିରେ ପରିବାର ସମସ୍ତେ କାମାକ୍ଷାନଗର ଆସୁଥିବା ବେଳେ ଅଧାବାଟରେ ଏଭଳି ଏକ ମର୍ମନ୍ତୁତ ସଡକ ଦୂର୍ଘଟଣା ଘଟିଛି।
