ଧାମର:ଧାମରା ଥାନା ଅର୍ନ୍ତଗତ କଇଥଖୋଲା ଠାରେ ଜଣେ ଯୁବକ ପୋଖରୀରେ ବୁଡି ଯାଇ ମୃତ୍ୟୁ ବରଣ କରିଛନ୍ତି। କଇଥଖୋଲା ପଞ୍ଚାୟତର ରଣଜିତ ବୋର(୪୨) ସକାଳ ସମୟରେ ନିଜ ଘର ପାଖ ପୋଖରୀକୁ ଶୌଚ ହେବା ପାଇଁ ଯାଇଥିବା ସମୟରେ ଗୋଡ ଖସି ଯିବାରୁ ସେ ସେହି ପୋଖରୀରେ ପଡ଼ି ଯାଇଥିଲେ। ଏହାପରେ ନିଜର ପଡୋଶୀ ରଣଜିତର ମୃତଦେହ ସେହି ପୋଖରୀରେ ଭାସୁଥିବାର ଦେଖି ରଣିଜତଙ୍କ ଘରକୁ ଖବର ଦେଇଥିଲେ। ଖବର ପାଇ ଧାମରା ପୁଲିସ ଘଟଣାସ୍ଥଳରେ ପହଞ୍ଚି ମୃତଦେହକୁ ଊଦ୍ଧାର କରିବା ପରେ ବ୍ୟବଚ୍ଛେଦ ପାଇଁ ଭଦ୍ରକ ମେଡିକାଲକୁ ପଠାଯାଇଛି। ଏ ନେଇ ଧାମରା ଥାନାରେ ଏକ ଅପମୃତ୍ୟୁ ମାମଲା ରୁଜୁ କରାଯାଇଛି।
Comments are closed.