ଦେବଗଡ଼ : ଡେପୁଟି ଡାଇରେକ୍ଟର ଅଫ ମାଇନ୍ସ ଜବତ କରିଥିବା ଲୁହାପଥର ଚୋରାଚାଲାଣ ବେଳେ ପୁଲିସ କନେଷ୍ଟବଳଙ୍କ ସହ ୪ ଜଣଙ୍କୁ ଗିରଫ କରାଯାଇଛି। ଟ୍ରକ, ଜେସିବି ମେସିନ ଓ ବୋଲେରୋ ଜବତ କରି ଅଧିକ ଖୋଳତାଡ କରୁଛି ବାରକୋଟ ଥାନା ପୁଲିସ। ଦେବଗଡ ଜିଲ୍ଲା ବାରକୋଟ ଥାନା ରଞ୍ଜ ଛକରୁ ଲୁହାପଥର ଚୋରାଚାଲାଣ ବେଳେ ପୁଲିସ ଚଢାଉ କରିଥିଲା । ସୁନ୍ଦରଗଡ ଜିଲ୍ଲା ବଣେଇ ଜେଲ୍ରେ କାର୍ଯ୍ୟରତ ଜକେଇକେଳା ଗ୍ରାମର କନେଷ୍ଟବଳ ସତ୍ୟାନନ୍ଦ ବେହେରା, ବାରକୋଟ ଥାନା ବଲଣ୍ଡା ଗ୍ରାମର ସାଗର କୁମାର ସାହୁ, କେନ୍ଦୁଝର ଜିଲ୍ଲା ସ୍ୱାମ୍ପାଟଣା ଥାନା କୁଆପୋସି ଗ୍ରାମର ଯୁଧିଷ୍ଠିର ମହନ୍ତ ଓ ବଣେଇ ଥାନା ଜକେଇକେଳା ଗ୍ରାମର ଅଜିତ କୁମାର ସାହୁ ଗିରଫ ହୋଇଛନ୍ତି ।
କନେଷ୍ଟବଳ ସତ୍ୟାନନ୍ଦ ବେହେରା ମଧ୍ୟସ୍ଥି ସାଜି ଲୁହାପଥର ଚୋରାଚାଲାଣ କରୁଥିବା ସୂଚନା ମିଳିଛି । ଅନ୍ୟପକ୍ଷରେ ଜେସିବି ମେସିନ ଏବଂ ଟ୍ରକ ଚାଳକ ଘଟଣାସ୍ଥଳରୁ ଫେରାର ମାରିଛନ୍ତି । ୨୦୦୮ ମସିହାରେ ଡେପୁଟି ଡାଇରେକ୍ଟର ଅଫ ମାଇନ୍ସ ଲୁହାପଥର ଚୋରାଚାଲାଣ ବେଳେ ଜବତ କରି ରଞ୍ଜ ଛକରେ ଗଚ୍ଛିତ ରଖିଥିଲା । ଗତ କିଛି ମାସ ଭିତରେ ସେଠାରୁ କୋଟି କୋଟି ଟଙ୍କାର ଲୁହାପଥର ଚୋରାଚାଲାଣ ହୋଇଥିବା ଅଭିଯୋଗ ହେଉଥିଲା । ପୁଲିସ ଆଖିରେ ଧୂଳିଦେଇ ଅଭିଯୁକ୍ତ ମାନେ ସେଠାରୁ ଲୁହାପଥର ଚୋରାଚାଲାଣ କରୁଥିଲେ। ଗତକାଲି ବିଳମ୍ବିତ ରାତିରେ ଚୋରାଚାଲାଣ ବେଳେ ପୁଲିସ ଚଢାଉ କରି ଘଟଣା ସ୍ଥଳରୁ ୪ ଜଣ ଅଭିଯୁକ୍ତଙ୍କୁ ଗିରଫ କରିଛି।
ଲୁହାପଥର ଗୁଣ୍ଡ ଚୋରାଚାଲାଣ; ପୁଲିସ କନେଷ୍ଟବଳଙ୍କ ସମେତ ୪ଗିରଫ
Popular Categories
Previous article
Next article