ଦେବଗଡ : ଦେବଗଡ ଥାନା ଅନ୍ତର୍ଗତ କୁଶପଙ୍ଗା ଗ୍ରାମ ନିକଟସ୍ଥ ରାଂଚି-ବିଜୟୱାଡା ରାଜପଥରେ ଗତକାଲି ରାତିରେ ବାଇକ ଦୁର୍ଘଟଣାଗ୍ରସ୍ତ ହୋଇ ଜଣେ ଏସ୍.ପି.ଓ. ଯବାନଙ୍କ ମୃତ୍ୟୁ ଘଟିଛି। ମୃତକ ହେଲେ ଅନୁଗୁଳ ଜିଲା ଜରପଡା ଥାନାରେ କାର୍ଯ୍ୟରତ ଦେବଗଡ ଥାନା ସାନ ଶିରୋଡିହୀ ଗ୍ରାମର ଭଜମନ ଜାରିକାଙ୍କ ପୁଅ ଘାଶିରାମ ଜାରିକା(୩୦) ।
ମିଳିଥିବା ସୂଚନା ଅନୁଯାୟୀ ଘାଶିରାମ ଗତକାଲି ରାତିରେ ପ୍ରାୟ ୧୦ଟା ସମୟରେ ଜରପଡାରୁ ଜଣେ ସାଥୀଙ୍କର ବୁଲେଟ ଯୋଗେ ରାଂଚି -ବିଜୟୱାଡା ରାଜପଥଦେଇ ନିଜ ଘରକୁ ଫେରୁଥିଲେ। କୁଶପଙ୍ଗା ଗ୍ରାମ ନିକଟସ୍ଥ ଏକ ବୁଲାଣିରେ କୌଣସି କାରଣରୁ ଭାରାସାମ୍ୟ ହରାଇ ବାଇକ ସହ ସେ ରାସ୍ତାଉପରକୁ ଛିଟିକି ପଡିଥିଲେ। ଫଳରେ ଘଟଣାସ୍ଥଳରେ ତାଙ୍କର ମୃତ୍ୟୁ ଘଟିଥିଲା। ସୂଚନା ପାଇ ଦେବଗଡ ଥାନା ପୁଲିସ ଘଟଣା ସ୍ଥଳକୁ ଯାଇ ମୃତଦେହ ଉଦ୍ଧାର କରିବାସହ ଆଜି ବ୍ୟବଚ୍ଛେଦ ନିମନ୍ତେ ପଠାଇଛି। ଏକ ମାମଲା ରୁଜୁକରି ଦୁର୍ଘଟଣାଗ୍ରସ୍ତ ବାଇକଟିକୁ ଜବତ କରିବା ସହ ଘଟଣାର ତଦନ୍ତ ଆରମ୍ଭ କରିଛି।
ସଡକ ଦୁର୍ଘଟଣାରେ ଏସ.ପି.ଓ. ଯବାନ ମୃତ
Popular Categories
Previous article
Next article