ଗୁରୁଡିଝାଟିଆ : କଟକ ଜିଲ୍ଲା ଟାଙ୍ଗି-ଚୌଦ୍ୱାର ବ୍ଲକର କଖଡି ପଞ୍ଚାୟତ ଅନ୍ତର୍ଗତ କାପ୍ତାବରାଇ ହେଉଛି ଏକ ପୁରାତନ ଗାଁ । ନିଜର ସଂସ୍କୃତି, ପରମ୍ପରା ଯେପରି ବଳିଷ୍ଠ, ଗାଁର ଆଧ୍ୟାତ୍ମିକ ଭାବଧାରା ବେଶ ଗୌରବଜ୍ୱଳ। ଗାଁଟି ର ପରିବେଶ ଅତ୍ୟନ୍ତ ସ୍ୱାସ୍ଥ୍ୟ ଅନୁକୂଳ। ଗାଁଟି ଦୁଇଟି ୱାର୍ଡକୁ ନେଇ ଗଠିତ ହୋଇଥିବା ବେଳେ ପ୍ରାୟ ୪୮୦ ଜଣ ଜନସାଧାରଣ ବସବାସ କରିଥାନ୍ତି । ସେଥିରୁ ଭୋଟରସଂଖ୍ୟା ପ୍ରାୟ ୩୪୦। ଗାଁରେ ପ୍ରାଥମିକ ବିଦ୍ୟାଳୟ, ଅଙ୍ଗନୱାଡି କେନ୍ଦ୍ର, ପୁଷ୍ପରିଣୀ, ଦେବାଳୟ, ଅବସର ବିନୋଦନ ପାଇଁ କୋଠଘର ରହିଥିବା ବେଳେ ଗାଁର ଅଧିକାଂଶ ଲୋକ କୃଷି ଉପରେ ନିର୍ଭର କରିଥାନ୍ତି ।
ଏଥିସହିତ ଅଧ୍ୟାପକ, ସମାଜସେବୀ, ଶିକ୍ଷକ ଆଦି ବିଭିନ୍ନ ବର୍ଗର ଜନସାଧାରଣ ଭାଇଚାରା ଭିତରେ ଗାଁରେ ରହିଥାନ୍ତି । ଗାଁଟି ପୁରାତନ ହୋଇଥିଲେ ମଧ୍ୟ ଆଜି ପର୍ଯ୍ୟନ୍ତ ରାଜସ୍ୱ ଗ୍ରାମର ମାନ୍ୟତା ପାଇପାରିନାହିଁ । ପଡା ଗ୍ରାମ ଭାବରେ ରହିଛି । କେବେ ରାଜ୍ୟ ସରକାର ଗାଁଟିକୁ ରାଜସ୍ୱ ଗ୍ରାମର ମାନ୍ୟତା ଦେବେ ଜନସାଧାରଣ ଚାହିଁ ବସିଛନ୍ତି। ବହୁବାର ଦାବି ଓ ଲିଖିତ ଅଭିଯୋଗ ହୋଇଥିଲେ ମଧ୍ୟ ପ୍ରଶାସନ କାନରେ ଗ୍ରାମାବସୀଙ୍କ ସ୍ୱର ବାଜିନପାରିବା ଅତ୍ୟନ୍ତ କ୍ଷୋଭର ବିଷୟ।
Comments are closed.