ନୂଆଦିଲ୍ଲୀ : ଦିଲ୍ଲୀ ବିମାନବନ୍ଦରକୁ ବିସ୍ଫୋରଣରେ ଉଡାଇବାକୁ ଧମକ ଦିଆଯାଇଛି। ଦିଲ୍ଲୀ ପୁଲିସକୁ ଅଲକାଏଦାର ଇ-ମେଲ୍ ଯୋଗେ ଧମକ ଦେଇଥିବା ନେଇ ଆଜି ସୂଚନା ମିଳିଛି। ଏହାପରେ ଦିଲ୍ଲୀ ଇନ୍ଦିରା ଗାନ୍ଧୀ
ଅନ୍ତର୍ଜାତୀୟ ବିମାନ ବନ୍ଦରରେ ସୁରକ୍ଷା ବ୍ୟବସ୍ଥା କଡାକଡି କରାଯାଇଛି। ଶନିବାର ସନ୍ଧ୍ୟାରେ ଏହି ଇ-ମେଲ ଆସିଥିବା କୁହାଯାଉଛି। ଇ-ମେଲ୍ ଆସିବା ପରେ ଦିଲ୍ଲୀରେ ଆଲର୍ଟ ଜାରି କରାଯାଇଛି। ସମସ୍ତ ସୁରକ୍ଷା ଏଜେନ୍ସିକୁ ସତର୍କ କରାଯାଇଛି। ବିମାନ ବନ୍ଦରରେ ସୁରକ୍ଷା ବ୍ୟବସ୍ଥାକୁ ବୃଦ୍ଧି କରାଯାଇଛି। ବିମାନବନ୍ଦରର ସମସ୍ତ ଟର୍ମିନାଲରେ ଆଣ୍ଟି ସାବୋଟେଜ ଯାଞ୍ଚ ଆରମ୍ଭ କରାଯାଇଛି। ବିମାନବନ୍ଦରକୁ ଆସୁଥିବା ସମସ୍ତ ଯାନବାହନଗୁଡିକୁ ଯାଞ୍ଚ କରାଯାଉଛି। ଲଗାତାର ପାଟ୍ରୋଲିଂ ମଧ୍ୟ କରାଯାଉଛି। ବିଭିନ୍ନ ନିରାପତ୍ତା ପଦକ୍ଷେପ ଗ୍ରହଣ କରାଯାଉଛି। ସମସ୍ତ ଚେକ ପଏଣ୍ଟରେ ନାକାବନ୍ଦୀ କରାଯାଇ ବ୍ୟାପକ ଯାଞ୍ଚ ଜାରି ରହିଛି। ଏହି ଧମକପୂର୍ଣ୍ଣ ଇ-ମେଲ୍ ଦର୍ଶାଯାଇଛି ବିମାନବନ୍ଦରକୁ ଅଲକାଏଦା ସର୍ଗନା ସଂଗଠନ ପକ୍ଷରୁ ଉଡ଼ାଇଦେବା ଲାଗି ଯୋଜନା କରାଯାଉଛି। ଇ-ମେଲ୍ ସମ୍ପର୍କରେ ଅଧିକ ତଦନ୍ତ ଜାରି ରହିଛି।
Comments are closed.