ପାଟଣା: କେନ୍ଦୁଝର ଜିଲ୍ଲା ପାଟଣା ବନାଞ୍ଚଳ ଅନ୍ତର୍ଗତ କୁମୁଳାବାହାଳି ଗାଁ ଭିତରକୁ ପଶି ଆସିଥିବା ଏକ ହରିଣକୁ ଶିକାର କରିବା ଅଭିଯୋଗରେ ଜଣେ ଯୁବକଙ୍କୁ ଗିରଫ କରିଛି ବନ ବିଭାଗ । ଗିରଫ ଯୁବକ କୁମୁଳାବାହାଳି ଗ୍ରାମର ଚିତ୍ତରଞ୍ଜନ ମହାନ୍ତ।
ସୂଚନା ଅନୁଯାୟୀ, ଆଜି ପୂର୍ବାହ୍ନରେ ପାଣି ଅନ୍ବେଷଣରେ ଏକ ହରିଣ ଗାଁ ଭିତରକୁ ପଶି ଆସିଥିଲା। ହରିଣ ମାରି ମାଂସ ଖାଇବା ଉଦ୍ଦେଶ୍ୟରେ ଗ୍ରାମର କିଛି ଲୋକ ସଂଘବଦ୍ଧ ଭାବେ ହରିଣଟିକୁ ଗୋଡ଼ାଇ ଗୋଡ଼ାଇ ଠେଙ୍ଗାରେ ପିଟି ମାରି ଦେଇଥିଲେ। ଖବର ପାଇ ବନ ବିଭାଗ ଘଟଣା ସ୍ଥଳରେ ପହଞ୍ଚି ମୃତ ହରିଣଟିକୁ ଜବତ କରିଛି । ତେବେ ବନ ବିଭାଗକୁ ଦେଖି ଶିକାରୀମାନେ ମୃତ ହରିଣକୁ ଛାଡ଼ି ଘଟଣାସ୍ଥଳରୁ ଫେରାର ହୋଇ ଯାଇଥିବା ବେଳେ ଜଣେ ଯୁବକକୁ ବନ ବିଭାଗ କାବୁ କରିବାରେ ସକ୍ଷମ ହୋଇଛି।
Comments are closed.