କଳାବାଡିଆ: ଘର ବାଡ଼ି ଭିତରୁ ହରିଣର ମୃତଦେହ ଉଦ୍ଧାର କଲା ବନ ବିଭାଗ। ସୂଚନା ଅନୁସାରେ, ବାଙ୍ଗିରିପୋଷି ରେଞ୍ଜ ଜୋକା ବିଟର ପକପକା ଗ୍ରାମର ବାବଲୁ ସରେନଙ୍କ ଘର ବାଡ଼ିରେ ଏକ ମୃତ ହରିଣ ଥିବାର କୋଣସି ସୂତ୍ରରୁ ବନ ବିଭାଗ ଖବର ପାଇ ଗ୍ରାମରେ ପହଞ୍ଚି ମୃତଦେହକୁ ଉଦ୍ଧାର କରିଥିଲେ। ମୃତଦେହକୁ ବାଙ୍ଗିରିପୋଷି ରେଞ୍ଜ ଅଫିସକୁ ଅଣାଯାଇ ବ୍ୟବଛେଦ କରାଯିବା ପରେ ହରିଣର ମୃତ୍ୟୁର କାରଣ ସ୍ପଷ୍ଟ ହେବ ବୋଲି ଅଧିକାରୀ କହିଛନ୍ତି। ହରିଣଟିର ବୟସ ୫ବର୍ଷ ହବା ସହିତ ୨୫ କିଲୋ ଓଜନ ହେବ ବୋଲି ସୂଚନା ମିଳିଛି। ତେବେ ଏହି ଘଟଣାରେ କାହାକୁ ଗିରଫ କରାଯାଇନାହିଁ। ଆଗକୁ ଘର ମାଲିକଙ୍କୁ ଗିରଫ କରାଯିବ ବୋଲି ବାଙ୍ଗିରିପୋଷି ରେଞ୍ଜର ସୂଚନା ଦେଇଛନ୍ତି।
Comments are closed.