ପିପିଲି:ବାର୍ଡ-ଫ୍ଲୁ ପ୍ରଭାବିତ ପିପିଲି ଓ ସତ୍ୟବାଦୀ ଅଞ୍ଚଳରେ ପ୍ରାଣୀ ସଂପଦ ବିଭାଗ ପକ୍ଷରୁ ମରାଯାଇଥିବା କୁକୁଡା ବାବଦରେ କ୍ଷତିଗ୍ରସ୍ତ ଚାଷୀଙ୍କୁ କ୍ଷତିପୂରଣ ପ୍ରଦାନ କରାଯାଇଛି। ସଂକ୍ରମିତ କୁକୁଡା ଫାର୍ମରୁ କୁକୁଡା ମରାଯିବା ସହ ଦାନାକୁ ନଷ୍ଟ କରାଯିବା ଓ ଘର ଅଗଣାରେ ଥିବା ଦେଶୀ କୁକୁଡା ଓ ବତକଙ୍କୁ ମରାଯିବା ବାବଦରେ ଉଭୟ ବ୍ଳକରେ ୧୦ଲକ୍ଷ ୨୪ହଜାର ୬୩୨ଟଙ୍କା ପ୍ରଦାନ କରାଯାଇଥିବା ସୂଚନା ମିଳିଛି।
ସେଥିମଧ୍ୟରୁ ପିପିଲି ବ୍ଲକର ୯ଜଣ କ୍ଷତିଗ୍ରସ୍ତ ଚାଷୀଙ୍କୁ ୬ ଲକ୍ଷ ୮୬ହଜାର ୭୨୦ ଟଙ୍କା ପ୍ରଦାନ କରାଯାଇଥିବା ସଂପର୍କରେ ପିପିଲି ବ୍ଲକ ପ୍ରାଣୀ ଚିକିତ୍ସା ଅଧିକାରୀ ଡାକ୍ତର ଆଲୋକ ମିଶ୍ର ସୂଚନା ଦେଇଛନ୍ତି। ସେହିପରି ସତ୍ୟବାଦୀ ବ୍ଲକର ୭ଜଣ କ୍ଷତିଗ୍ରସ୍ତ ଚାଷୀଙ୍କୁ ୩ଲକ୍ଷ ୩୭ହଜାର ୯୧୨ଟଙ୍କା ପ୍ରଦାନ କରାଯାଇଥିବା ସଂପର୍କରେ ସତ୍ୟବାଦୀ ବ୍ଲକ ପ୍ରାଣୀ ଚିକିତ୍ସା ଅଧିକାରୀ ଡାକ୍ତର ବାଣୀକାନ୍ତ ଖଟୁଆ ସୂଚନା ଦେଇଛନ୍ତି। ପିପିଲି ବ୍ଲକରେ କୁକୁଡା ମରା ଓ ଫାର୍ମ ବିଶୋଧନ ଅଭିଯାନ ଜାରିରହିଛି।
Comments are closed.