ମୁରିବାହାଲ: ମୁରିବାହାଲ ବ୍ଳକ ସିରୋଲ ଗାଁରେ ଝାଡ଼ାବାନ୍ତିରେ ଜଣଙ୍କର ମୃତ୍ୟୁ ହୋଇଥିବା ବେଳେ ୨୮ରୁ ଉର୍ଦ୍ଧ୍ବ ଆକ୍ରାନ୍ତ ହୋଇ ଟିଟିଲାଗଡ଼,ବଲାଙ୍ଗିର ସନ୍ଥ ଭୀମ ଭୋଇ ମେଡ଼ିକାଲ କଲେଜ ଡ଼ାକ୍ତରଖାନା ଓ ବୁର୍ଲା ମେଡ଼ିକାଲ କଲେଜ ଡ଼ାକ୍ତରଖାନାରେ ଚିକିତ୍ସା ପାଇଁ ଭର୍ତ୍ତି ହୋଇଥିବା ଜଣାପଡ଼ିଛି। ସୂଚନାରୁ ପ୍ରକାଶ ଯେ, ସିରୋଲ ଗାଁରେ ଝାଡ଼ାବାନ୍ତିରେ ଆକ୍ରାନ୍ତ ହେବା ଖବର ପାଇବା ପରେ ମୁରିବାହାଲ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରର ଅଧିକାରୀ ଡ଼ାକ୍ତର ସଂଗ୍ରାମକେଶରୀ ନାଏକଙ୍କ ନେତୃତ୍ୱରେ ଏମଏଚୟୁର ୩ଟି ଟିମ ଘରକୁ ଘର ଯାଇ ଆକ୍ରାନ୍ତଙ୍କ ଚିକିତ୍ସା କରିଥିଲେ। ଝାଡାବାନ୍ତିରେ ସିରୋଲା ଗାଁର ଗୋବର୍ଦ୍ଧନ ଛୁରାଙ୍କ ପୁଅ ଗୌତମ ଛୁରାଙ୍କ ମୃତ୍ୟୁ ହୋଇଥିବା ବେଳେ ୧୫ଜଣଙ୍କୁ ଟିଟିଲାଗଡ଼ ଡ଼ାକ୍ତରଖାନା ଓ ଅନ୍ୟମାନଙ୍କୁ ବଲାଙ୍ଗିର ସନ୍ଥ ଭୀମ ଭୋଇ ମେଡ଼ିକାଲ କଲେଜ ଡ଼ାକ୍ତରଖାନା ଓ ବୁର୍ଲା ମେଡ଼ିକାଲ କଲେଜ ଡ଼ାକ୍ତରଖାନା ସ୍ଥାନାନ୍ତର କରାଯାଇଛି।
ବଲାଙ୍ଗିରରୁ ଏକ ମେଡ଼ିକାଲ ଟିମ ପହଞ୍ଚି ଚିକିତ୍ସା କରୁଥିବା ବେଳେ ମାଗଣାରେ ଔଷଧ ବଣ୍ଟନ କରାଯାଇ ସଚେତନ କରାଯାଉଛି। ବର୍ତ୍ତମାନ ସ୍ଥିତି ନିୟନ୍ତ୍ରଣାଧିନ ରହିଥିବା ମୁରିବାହାଲ ମେଡ଼ିକାଲ ଅଫିସର ଡ଼ା.ନାଏକ କହିଛନ୍ତି ।
