ଡେସ୍କ : ଦୀର୍ଘ୧୫୬ ବର୍ଷ ଧରି ନିରବିଛିନ୍ନ ଭାବେ ପାଣିପାଗ ପର୍ଯ୍ୟବେକ୍ଷଣ ପାଇଁ ବିଶ୍ୱପାଣିପାଗ ସଂସ୍ଥାନ ଦ୍ୱାରା ପାଣିପାଗ ପର୍ଯ୍ୟବେକ୍ଷଣ କେନ୍ଦ୍ର କଟକକୁ ଐତିହାସିକ ପାଣିପାଗ ପର୍ଯ୍ୟବେକ୍ଷଣ କେନ୍ଦ୍ରର ପରିଚୟ ମିଳିଛି । ୧୮୬୭ ମସିହା ମାର୍ଚ୍ଚ ୨୩ରେ କଟକ ପାଣିପାଗ ପର୍ଯ୍ୟବେକ୍ଷଣ କେନ୍ଦ୍ର ସ୍ଥାପନ ହୋଇଥିଲା। ପାଣିପାଗ ପର୍ଯ୍ୟବେକ୍ଷଣ କେନ୍ଦ୍ର କଟକକୁ ବିଶ୍ୱ ମାନଚିତ୍ରରେ ସ୍ୱତନ୍ତ୍ର ପରିଚୟ ସହ ୧୦୦ ବର୍ଷରୁ ଅଧିକ ଦିନ ଧରି ପାଣିପାଗ ସମ୍ପର୍କିତ ପର୍ଯ୍ୟବେକ୍ଷଣ ସୂଚନା ପ୍ରଦାନ କରିଆସୁଥିବାରୁ ବିଶ୍ୱ ପାଣିପାଗ ସଂସ୍ଥାନ ଦ୍ୱାରା ଐତିହାସିକ ପାଣିପାଗ ପର୍ଯ୍ୟବେକ୍ଷଣ ସୂଚନା ପ୍ରଦାନକାରୀ କେନ୍ଦ୍ର ଭାବେ ମାନପତ୍ର ପ୍ରଦାନ କରାଯାଇଛି । ଏହା ଦୀର୍ଘକାଳୀନ ପରିବେଶ ପର୍ଯ୍ୟବେକ୍ଷଣ ମାନବଜାତିର ଅପୂରଣୀୟ ସାଂସ୍କୃତିକ ଏବଂ ବୈଜ୍ଞାନିକ ଐତିହ୍ୟର ଏକ ଅଂଶ, ଯାହା ଦୀର୍ଘକାଳୀନ ଉଚ୍ଚ-ଗୁଣାତ୍ମକ ପର୍ଯ୍ୟବେକ୍ଷଣ ପାଇଁ ବର୍ତ୍ତମାନ ଏବଂ ଭବିଷ୍ୟତ ପିଢ଼ିର ଆବଶ୍ୟକତାକୁ ପୂରଣ କରେ। ଭୁବନେଶ୍ୱର ସ୍ଥିତ ଆଂଚଳିକ ପାଣିପାଗ କେନ୍ଦ୍ର ପକ୍ଷରୁ ଏହି ସୂଚନା ଦିଆଯାଇଛି।
Popular Categories
Previous article
Next article