ନବରଙ୍ଗପୁର: ନବରଙ୍ଗପୁର ଜିଲ୍ଲାରେ ଚିନ୍ତା ବଢ଼ାଇଛି କରୋନା । ପ୍ରତିଦିନ ଆକ୍ରାନ୍ତଙ୍କ ସଂଖ୍ୟା ବଢ଼ି ଚାଲୁଥିବା ବେଳେ ବର୍ତମାନ ପ୍ରତ୍ୟେକ ଗ୍ରାମାଞ୍ଚଳ ଏବଂ ପଲ୍ଲୀ ଅଞ୍ଚଳରେ ମଧ୍ୟ ଆକ୍ରାନ୍ତଙ୍କ ସଂଖ୍ୟା ଧୀରେ ଧୀରେ ବଢ଼ିବାରେ ଲାଗୁଛି । ଏହାର ମୁଖ୍ୟ କାରଣ ହେଉଛି ଗ୍ରାମାଞ୍ଚଳମାନଙ୍କରେ କେହି କରୋନା କଟକଣାକୁ ମାନୁନାହାନ୍ତି । ଏହି ଅଞ୍ଚଳମାନଙ୍କରେ ବାହାଘର, ଭୋଜି ହେଉକି ପୂଜା ପର୍ବ ହେଉ ଲୋକେ ଭିଡ଼ ଜମାଇ ମାସ୍କ ବ୍ୟବହାର ନ କରି ମହାମାରୀକୁ ଆମନ୍ତ୍ରଣ କରୁଛନ୍ତି । ଗ୍ରାମାଞ୍ଚଳମାନଙ୍କରେ ଥିବା ବ୍ୟାଙ୍କ, ଦୋକାନ ବଜାରରେ ଲୋକଙ୍କ ଭିଡ଼ ଦେଖିବାକୁ ମିଳୁଛି । ଆଜି ଏପରି ଭିଡ଼ ଦେଖିବାକୁ ମିଳିଛି ତେନ୍ତୁଳୀଖୁଣ୍ଟି ବ୍ଲକ ଅନ୍ତର୍ଗତ କଟାଗାଁ ଷ୍ଟେଟବ୍ୟାଙ୍କ ସମ୍ମୁଖରେ। ଆଜି ଦିନ ୧୧ ଘଣ୍ଟା ସମୟରେ ଶତାଧିକ ଲୋକେ ବ୍ୟାଙ୍କ ସମ୍ମୁଖରେ ଭିଡ଼ ଜମାଇଥିବା ବେଳେ କେହିବି କଟକଣା ପାଳନ କରୁ ନଥିଲେ । ପେଲାଠେଲା ହୋଇ ଗେଟ ସମ୍ମୁଖରେ ଅପେକ୍ଷ କରି ଠିଆ ହେବାର ଦୃଶ୍ୟ ଦେଖିବାକୁ ମିଳିଥିଲା। ସ୍ଥାନୀୟ ପ୍ରଶାସନ ନା ବ୍ୟାଙ୍କ କର୍ତ୍ତୃପକ୍ଷ କେହି ବି ସାମାଜିକ ଦୂରତା ପାଳନ ପାଇଁ ପରାମର୍ଶ ଦେଇ ନଥିଲେ । ସ୍ଥାନୀୟ ଗ୍ରାମବାସୀ ବ୍ୟାଙ୍କ ସମୁଖରେ ଭିଡ଼କୁ ଦେଖି ଭୟଭୀତ ହେବାସହ ପ୍ରଶାସନ ତରଫରୁ ଅମାନିଆଙ୍କ ବିରୁଦ୍ଧରେ ଦୃଢ କାର୍ୟ୍ୟାନୁଷ୍ଠାନ ଗ୍ରହଣ କରିବାପାଇଁ ଦାବି କରିଛନ୍ତି ।
Popular Categories
Previous article
Next article